«Վրացական երազանքը» շարունակում է ինտեգրվել համաշխարհային ավտոկրատներին. Հելսինկյան հանձնաժողով

«Չնայած վրաց ժողովրդի զանգվածային ընդդիմությանը, «Վրացական երազանքը» շարունակում է ինտեգրվել համաշխարհային ավտոկրատներին։

Հունիսին Վրաստանի վարչապետ Կոբախիձեն մասնակցել է Իրանի նախագահ Փեզեշքիանի երդմնակալությանը՝ ավելի վաղ «Վրացական երազանքի» ջանքերից հետո՝ ամրապնդելու Իրանի և Վրաստանի միջև տնտեսական կապերը: Մյուս կողմից, ըստ տեղեկությունների, իրանցի պաշտոնյաներն աջակցել են «Վրացական երազանքի» արշավին՝ հակաարևմտյան հաղորդագրություններ տարածելով»,- նշում է Հելսինկյան հանձնաժողովը։

Հայտարարության մեջ նշվում է, որ «Վրացական երազանքը» ռազմավարական գործընկերության համաձայնագիր է ստորագրել Չինաստանի հետ, և չինական կոնսորցիումը Չինաստանի «Գոտի և ճանապարհ» նախաձեռնության շրջանակում Անակլիայում կառուցում է լայնածավալ խորջրյա նավահանգիստ։

«Եթե «Վրացական երազանքը» հաղթի և գրավի իշխանությունը, կուսակցությունը Վրաստանը կվերածի իշխանության պրոյեկցիայի և տնտեսական հնարավորության վայր ոչ միայն իր ռուս հովանավորների, այլև Չինաստանի և Իրանի համար, որոնց «Վրացական երազանքը» ավելի ու ավելի է մոտենում»,- նշում է Հելսինկյան հանձնաժողովը։