Մայիսի 26-ին խորհրդարանի շենքի մոտ կայացած բողոքի ակցիայի մասնակիցներից մեկը` Ուչա Քեմաշվիլին, ոստիկանության կողմից ձերբակալվել է «Վրացական երազանք» կուսակցության դրոշը այրելու համար։
Լրահոս
Ընթերցողի ընտրանի
- 1 ՆԱՏՕ-ի և Եվրամիության տեղեկատվական կենտրոնը լուծարվում է
- 2 Որևէ ոստիկան պատասխանատվության ենթարկվե՞լ է, նման դեպք չկա․ Իոսելիանի
- 3 Ընտրությունները նախ պետք է լինեն խորհրդարանական, ապա՝ տեղական, կամ համատեղ․ Զուրաբիշվիլի
- 4 Սալոմե Զուրաբիշվիլին ճանապարհը փակելու համար տուգանվել է 5000 լարիով
- 5 «Վրացական երազանքը» թույլ է տալիս Ռուսաստանին մեծացնել ազդեցությունը երկրում. ԱՄՆ հետախուզություն
- 6 Արդյո՞ք մեր շահերից է բխում աշխարհի այս հատվածում հակաամերիկյան կառավարության լինելը. Ռուբիոն` Վրաստանի մասին
«Նրան հետևել են Ռուսթավելիից մինչև Վարկեթիլի։ Եղբայրս հավանաբար մետրոյով էր գալու, քանի որ նրա մեքենան այնտեղ էր կայանված։ Նրան հետապնդել են մետրոյում և գիտեին, թե որտեղից է գալիս։ Նրանք 35 մարդու դուրս են թողել՝ 1 մարդու ձերբակալելու համար։ Ես այս ամենը տեսա պատուհանից, հետո իջա ներքև։ Հետո հասկացա, թե ինչ է կատարվում։ Մեքենայի դուռը փակ էր, և նրան դուրս հանեցին, բռնեցին նրա ձեռքից և դուրս տարան, տարան մութ տեղ և խցկեցին մեկ այլ մեքենայի մեջ», - ասում է ձերբակալվածի քույրը՝ Նինի Քեմաշվիլին։
Գործող օրենսդրության համաձայն՝ Եվրոպական Միության, Հյուսիսատլանտյան դաշինքի կազմակերպության կամ այլ միջազգային կազմակերպության պաշտոնական խորհրդանիշի պղծումը, կամ այլ պետության դրոշի կամ զինանշանի պղծումը վարչական իրավախախտում է և պատժվում է 1000 լարի տուգանքով։ Կուսակցական դրոշ այրելը օրենքի խախտում չէ։
Ներքին գործերի նախարարությունը չի բացատրել, թե ինչ հիմքերով է ձերբակալվել Ուչա Քեմաշվիլին և ինչ մեղադրանքներ են առաջադրվում։ Ընտանիքի անդամները մի քանի ժամ փնտրել են ձերբակալվածին և փորձել պարզել նրա գտնվելու վայրը։ Փաստաբանները կալանավորին գտել են Դիղոմիի ժամանակավոր կալանավայրում այսօր առավոտյան։
Ուչա Քեմաշվիլին ապրում է Կախեթիում։ Նա Թբիլիսիի Ռուսթավելի պողոտայում ընթացող բողոքի ակցիաների ակտիվ մասնակից է։ Նա հաճախ մրգեր է բերում շրջանից և բաժանում ցուցարարներին։
Երեկ Բաթումիում Անկախության օրվան նվիրված միջոցառման ժամանակ ձերբակալվել է բողոքի ակցիայի մասնակից Լուկա Նացվլիշվիլին։

Ներքին գործերի նախարարությունը նրան մեղադրում է Վարչական իրավախախտումների մասին օրենսգրքի 173-րդ [ոստիկանությանը անհնազանդություն] և 166-րդ [մանր խուլիգանություն] հոդվածները խախտելու մեջ։ Իրականում, Նացվլիշվիլիի ձերբակալության տեսանյութում, որը նկարահանվել է ականատեսի կողմից, երևում է, թե ինչպես է Լուկան ոստիկանությանը հարցնում իր ձերբակալման պատճառը. «Ինչո՞ւ եք ինձ ձերբակալում»։ Ոստիկանները չեն պատասխանում նրա հարցերին և ստիպում են նրան նստել մեքենան։
