Հուլիսի 13-ից ուժի մեջ է մտել համաձայնագիրը, որի համաձայն ՝ Վրաստանի և Հայաստանի քաղաքացիներն իրավունք ունեն անձը հաստատող փաստաթղթով Վրաստանից Հայաստան և հակառակ ուղղությամբ մեկնել միջազգային երթևեկության համար թույլատրված սահմանային անցակետով։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 4 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 5 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 6 Իվանիշվիլին պետք է որոշում կայացնի և նշանակվեն նոր ընտրություններ․ նախագահ
Երկու երկրների վարչապետներ Իրակլի Ղարիբաշվիլին և Նիկոլ Փաշինյանը 2023 թվականի հունվարի 12-ին Երևան քաղաքում ստորագրեցին «Վրաստանի և Հայաստանի Հանրապետության միջև քաղաքացիների առանց վիզայի երկկողմանի տեղաշարժի մասին» համաձայնագիրը, որի ուժի մեջ մտնելու համար պահանջվում էր երկու կողմերի վավերացումը։ Հայաստանի Ազգային ժողովը փաստաթուղթը վավերացրել է հունիսի 26-ին։
Վրաստանի արտաքին գործերի նախարարության հայտարարության համաձայն՝ համաձայնագիրը նպատակ ունի փոխադարձ երթևեկության համար էլ ավելի բարենպաստ պայմաններ մտցնել Վրաստանի և Հայաստանի քաղաքացիների համար։
Մինչ այժմ Հայաստանի և Վրաստանի քաղաքացիները միջպետական սահմանն առանց վիզայի կարող էին հատել իրենց անձնագրերով։
Վրաստան կատարած միջազգային այցելությունների քանակով Հայաստանը առաջատար հինգ երկրների շարքում երրորդն է։ Զբոսաշրջության ազգային վարչության տվյալներով՝ 2022 թվականին Հայաստանից 742 593 այցելու է մուտք գործել Վրաստան։ Դրա հետ մեկտեղ՝ Հայաստանի բնակիչների այցելությունների բացարձակ մեծամասնությունը եղել են կրկնակի այցելություններ։
