Անձնական տվյալների պաշտպանության ծառայությունը պարզել է, որ Ridetech Georgia ՍՊԸ-ն ապօրինի կերպով անձնական տվյալներ է փոխանցում այլ պետության, մասնավորապես՝ Ռուսաստանի Դաշնությանը։ Նշված ընկերությունն օգտատերերին տաքսի ծառայություններ է առաջարկում Yandex GO (ուղևորների համար) և Yandex Pro (վարորդների համար) հավելվածների միջոցով։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 3 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 6 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
Ծառայությունից հայտնում են, որ ստուգման ընթացքում պարզվել է, որ ինտերնետ կապի մոնիտորինգի ժամանակ հավելվածը միացել է Ռուսաստանի Դաշնությունում տեղակայված սերվերներին։
Ridetech Georgia ՍՊԸ-ն կազմակերպել է հավելվածի միջոցով Վրաստանի տարածքից գրանցված օգտատերերի/տվյալների սուբյեկտների (ուղևորների/վարորդների) անձնական տվյալների մշակման տեխնիկական գործընթացը այնպես, որ դրա պատշաճ գործունեության ընթացքում Ռուսաստանի Դաշնությունում տեղակայված սերվերների հետ ցանցային կապ հաստատելիս, սերվերներին հայտնի է դառնում հավելվածի սարքի գլոբալ ցանցի հասցեն/«IP Adress»-ը, հետևաբար, արձանագրվում է ցանցի հասցեի/«IP Adress»-ի այլ պետության փոխանցման (հասանելիության) փաստ»,- ասված է Անձնական տվյալների պաշտպանության ծառայության հայտարարության մեջ։
Նշենք, որ մինչ ստուգումը Ridetech Georgia-ն դիմել էր Անձնական տվյալների պաշտպանության ծառայություն և թույլտվություն խնդրել Վրաստանի տարածքում մշակված անձնական տվյալները Ռուսաստանին փոխանցելու համար։
«Նշված վարույթի շրջանակներում գրասենյակն ուսումնասիրել է նշված ընկերության կողմից այլ պետություն (Ռուսաստանի Դաշնություն) անձնական տվյալների փոխանցման հետ կապված հարցերը, այդ թվում՝ տվյալների սուբյեկտի իրավունքների պաշտպանության համարժեք երաշխիքներ տրամադրելու հնարավորությունը և համարել է, որ Ռուսաստանի Դաշնությունում տվյալների սուբյեկտի իրավունքների պաշտպանության համապատասխան երաշխիքների իրական ակնկալիք չկա, ներառյալ տվյալների անվտանգության սկզբունքի պահպանումը։ Ելնելով այս իրավիճակից՝ ծառայության ղեկավարի հրամանով Ridetech Georgia ՍՊԸ-ին (Yandex Go և Yandex Pro) մերժվել է անձնական տվյալներ այլ պետության (Ռուսաստանի Դաշնությունում) փոխանցելու թույլտվությունը։
Ելնելով վերոգրյալից՝ ծառայությունը պարզել է, որ Ridetech Georgia ՍՊԸ-ի կողմից հավելվածի միջոցով գրանցված օգտատերերի/տվյալների սուբյեկտների (ուղևորների/վարորդների) անձնական տվյալները Վրաստանի տարածքից միջազգային փոխանցման (մշակման) ընթացքում խախտվել են Վրաստանի «Անձնական տվյալների պաշտպանության մասին» օրենքի պահանջները»,- ասված է Անձնական տվյալների պաշտպանության ծառայության հայտարարության մեջ։
Ծառայության տվյալներով՝ ընկերությունը ճանաչվել է օրինախախտ, և որպես վարչական օրինախախտում սահմանվել է 4000 լարի տուգանք։ Բացի այդ, Ridetech Georgia ՍՊԸ-ին հանձնարարվել է հավելվածի միջոցով դադարեցնել Վրաստանի տարածքում գրանցված օգտատերերի/տվյալների սուբյեկտների (ուղևորների/վարորդների) անձնական տվյալների (գլոբալ ցանցի հասցե/«IP հասցե») փոխանցումը Ռուսաստանի Դաշնությանը։