Qeyri-hökumət təşkilatları Gürcüstanın xalq müdafiəçisi vəzifəsinə üç namizəd - Ana Abaşidze, Giorgi Burcanadze və Nazi Canezaşvilini irəli sürüb.
Əsas xəbərlər
Oxucunun seçimi
Vətəndaş təşkilatları xalq müdafiəçisi vəzifəsinə həm səriştə, həm də şəxsi xüsusiyyətlərin aşağıdakı əsas meyarlarına cavab verən namizədləri dəstəkləyir: bütün insan hüquqlarının müdafiəsi üzrə səlahiyyətlərə və bu sahədə ən azı 5 il iş təcrübəsinə malik olmalıdır; müstəqillik və qərəzsizlik prinsiplərinə cavab verir; insan hüquqları müdafiəçisinin beynəlxalq səviyyədə tanınmış tərifi ilə müəyyən edilmiş tələblərə cavab verir; ən azı son 5 ildə heç bir siyasi partiyanın üzvü olmayıb və/və ya dövlət siyasi vəzifəsində olmayıb; yüksək əxlaq, nüfuz və dürüstlük ilə xarakterizə olunur; ayrı-seçkiliyə yol verməyən yanaşma və bərabərlik prinsipinə əsaslanan idarəetmə və əməkdaşlıq bacarıqları və təcrübəsinə malikdir”, - deyə qeyri-hökumət təşkilatlarının bəyanatında qeyd olunub.
- Ana Abaşidze “İnsan Haqları Naminə Tərəfdaşlıq” qeyri-hökumət təşkilatının təsisçilərindən biri, uşaqlar və əlillər üzrə ixtisaslaşmış hüquqşünasdır. 2008-2012-ci illərdə Xalq Müdafiəçisi Aparatında çalışıb və Birləşmiş Millətlər Təşkilatının Qadınlar Təşkilatında gender bərabərliyi məsələləri üzrə ekspert olub. Ana Abaşidze Gürcüstanın Texniki Universitetində hüquq üzrə bakalavr, İvane Cavaxişvili adına Tbilisi Dövlət Universitetində isə hüquq üzrə magistr dərəcəsi alıb. 2017-2018-ci illərdə Vaşinqtonda Amerika Universitetində təhsil alıb. Ana Abaşidze müxtəlif dövrlərdə Amnesty İnternational və Disability Rights International beynəlxalq təşkilatlarında çalışıb.
- Giorgi Burcanadze 2018-ci ilin dekabr ayından xalq müdafiəçisinin müavini vəzifəsində çalışır. 2014-2018-ci illərdə “Açıq Cəmiyyət Fondu”nda əvvəlcə insan hüquqları üzrə proqram koordinatoru, sonra isə menecer vəzifəsində çalışıb. Bundan əvvəl o, Avropa İttifaqı tərəfindən maliyyələşdirilən “Gürcüstanın Xalq Müdafiəçisi Aparatına Dəstək” layihəsinin baş hüquq eksperti olub. Giorgi Buracanadze Tbilisi Dövlət Universitetində hüquq üzrə bakalavr və hüquq magistri (cinayət hüququ) dərəcələri alıb. 2011-2012-ci illərdə Mərkəzi Avropa Universitetinin Hüquq fakültəsində təhsil alıb, müqayisəli konstitusiya hüququ ixtisası üzrə magistr dərəcəsi alıb.
- Nazi Canezaşvili “Məhkəmənin müşahidəsi” qeyri-hökumət təşkilatının təsisçisidir. 2017-2021-ci illərdə parlament tərəfindən Gürcüstan Ali Ədliyyə Şurasının üzvü seçilib. Canezaşvili tənqidi və aşkar fəaliyyətinə görə dəfələrlə şuranın hakim üzvlərinin hücum obyektinə çevrilib. Nazi Janezaşvili müxtəlif vaxtlarda “Konstitusiyanın 42-ci maddəsi” qeyri-hökumət təşkilatının icraçı direktoru, “Assosiasiya – Gürcüstan Hakimləri İttifaqı”nın rəhbəri, “Beynəlxalq Həbsxana İslahatı”nın Cənubi Qafqaz ofisində layihə koordinatoru və “Qadın Təşəbbüslərinə Dəstək Qrupu”nun hüquq eksperti olub.
“Gürcüstanın Demokratik Təşəbbüsü”nün sədri Eduard Marikaşvili qeyd edib ki, əgər “Gürcü arzusu” həqiqətən də Avropa İttifaqının 12 tövsiyəsini yerinə yetirmək niyyətindədirsə, xalq müdafiəçi məhz bu namizədlərdən seçilməlidir.
“Gürcü Arzusu”nun sədri İrakli Kobaxidze 52 qeyri-hökumət təşkilatının irəli sürdüyü namizədlərdən hər hansı birinə əksəriyyətin çoxluğun dəstək verib-verməyəcəyi sualına cavab verməyib: “QHT-lər klanı öz namizədlərini tam qapalı rejimdə irəli sürür. Bu, yolverilməzdir və onların hadisələrə münasibətini göstərir... İstənilən şəxs öz ərizəsini verə bilər, müvafiq qeyri-hökumət təşkilatları buna qiymət verəcək, sonra müxalifət partiyaları qərar versələr, namizədliyini irəli sürəcəklər”.
“Qırçı” partiyasının lideri və deputat İaqo Xviçia xalq müdafiəçisi vəzifəsini tutmaq arzusunda olduğunu bildirib. Həmçinin, vəkillər - Aleksandre Kobaidze və Marika Arevadze.
Parlamentin təsdiq etdiyi müvəqqəti qaydaya görə, Milli Məclis tərəfindən irəli sürülən namizədlərin sayı 7-dən az olmadıqda, Xalq Müdafiəçiliyinə namizədlərə baxılacaq.
Xalq Müdafiyəçiliyinə namizədlərin qiymətləndirilməsi üzrə 9 nəfərdən ibarət işçi qrupunun tərkibi də açıqlanıb:
- Davit Asatiani (Gürcstan Vəkillər Assosiyasiyasının sədri)
- Tamar Zarandia (Tbilisi Dövlət Universitetinin Hüquq fakültəsinin dekanı);
- Natia Kupraşvili (Region Yayımçılar Assosiasiyasının sədri);
- Larisa Liparteliani (Gürcüstan Peşəkar İttifaqlar birliyinin sədr müavini);
- Elena Rusetsskaya (“Qadınlar İnformasiya Mərkəzi”nin direktoru);
- Arno Stepanyan (“Çoxmillətli Gürcüstan”ın sədri);
- Nino Çxobadze (“Gürcüstan Yaşıllar Hərəkatının sədri”);
- Eka Tsimakuridze (“Demokratiya İndeksi-Gürcüstan”ın sədri);
- Levan Tsutskiridze (“Şərqi Avropa Çoxpartiyalı Demokratiya Mərkəzinin direktoru”).
Reqlamentə əsasən, qiymətləndirmə işçi qrupu xalq müdafiəçiliyinə namizəd kimi irəli sürülmək istəyən şəxsləri aşağıdakı meyarlar nəzərə alınmaqla qiymətləndirəcək: - yaxşı niyyət, qərəzsizlik, müstəqillik, yüksək reputasiya, müvafiq peşəkar bilik və insan hüquqları və əsas azadlıqlar sahəsində praktik təcrübəyə malik olmaq.
Hazırkı xalq müdafiəçi Nino Lomcariyanın səlahiyyət müddəti dekabrın 8-də başa çatır. Yeni xalq müdafiəçinin seçim prosesinin şəffaf keçirilməsi Gürcüstanın Aİ üzvlüyünə namizəd statusu alması üçün yerinə yetirilməli olan 12 şərtdən biridir. Avropa Komissiyasının tövsiyəsi yeni xalq müdafiəçinin təqdimatı prosesində müstəqil şəxsə üstünlük verilməsidir.
