Gürcüstanın 2023-cü il büdcəsində səhiyyə və sosial proqramların maliyyələşdirilməsi 770 milyon lari artır. Baş nazir İrakli Qaribaşvilinin hökumətin keçirilən iclasında bildirdiyi kimi, 70 və daha yuxarı yaşda olan şəxslərin pensiyası dağlıq yaşayış məntəqələrində 440 lari, qalan rayonlarda 365 lari olacaq.
Əsas xəbərlər
Oxucunun seçimi
- 1 Bidzina İvanişvilinin anti-qərb mesajları
- 2 Bu qanunu gözəlləşdirəcəyimə ümidiniz olmasın, bu qanun rus tiplidir və belə də qalacaq
- 3 Rus qanununu vasitəsilə fiziki şəxsləri də cərimələmək mümkün olacaq
- 4 Avropa Parlamenti “Gürcü Arzusu”nun rus qanunu əleyhinə qətnamə qəbul edib
- 5 Parlament rus qanununu üçüncü oxunuşda 84 səslə qəbul edib | Qanunu dəstəkləyənlərin siyahısı
- 6 “Gürcü Arzusu” aprelin 29-da rus qanununa dəstək aksiyası keçirəcək
Baş nazirin sözlərinə görə, yaşı 70-dən aşağı olan şəxslərin pensiyası artacaq və təxminən 300 lari, yüksək dağlıq yaşayış məntəqələrində isə 355 lari olacaq.
“Pensiyadan başqa, demək istərdim ki, biz ağır əlillər üçün sosial müavinətin 65 lari artırılmasını nəzərə almışıq, digər kateqoriyadan olan əlillər üçün də müavinət artacaq. Biz artıq uşaq dəstəyini demək olar ki, üç dəfə artırmışıq - 50 lari idi, indi isə 150-dir. Keçən il 100 lari idi, sonra 150 lariyə qaldırdıq və davam edəcək. Arzumuz odur ki, 2023-cü ildə büdcəmiz və gəlirimizdən asılı olmayaraq, onu daha da artırmaq istəyirik.
Bildiyiniz kimi, biz məcburi köçkünlər üçün evlər tikməyə başlayırıq. 7000 mənzildən ibarət yaşayış kompleksinin tikintisinə başlanılır, tenderlər keçirilib və tezliklə başa çatdırılacaq. 2023-cü ildə bu məqsədlə 250 milyon lari ayrılıb”, - deyə İrakli Qaribaşvili bildirib.
2022-ci ilin sentyabr ayının məlumatına görə, Gürcüstanda 800 068 nəfər pensiya alır və onlara hər ay 226 688 306 lari ödənilir. Yüksək dağlıq yaşayış məntəqələrində 79 324 nəfər pensiyaçı qeydiyyatdadır və onlara dövlət pensiyasına əlavə olaraq 4 512 060 lari verilir.
Baş nazir hökumətin bugünkü iclasında qeyd edib ki, 2023-cü ildən etibarən polis, əsgər və Dövlət Təhlükəsizliyi Xidməti əməkdaşlarının əməkhaqqı 20% artırılacaq. Gələn ilin büdcəsində bunun üçün 290 milyon lari nəzərdə tutulub.
