Bu gün, fevralın 1-də Almaniyanın ən böyük hava limanlarında işçilərin xəbərdarlıq tətili keçirməsi səbəbindən 1100-dən çox reys ləğv ediləcək və nəticədə təxminən 200 min sərnişin zərər çəkəcək. Bu barədə “Deutsche Welle” Almaniya Hava Limanları Assosiasiyasına (ADV) istinadən yazır.
Əsas xəbərlər
Oxucunun seçimi
- 1 Əliyev və həyat yoldaşı Putini şam yeməyində qonaq ediblər
- 2 Rusiyanın BMT-dəki nümayəndəsi “Gürcü Arzusu”nun avqust müharibəsi ilə bağlı bəyanatını təkrarlayıb
- 3 Şahin və Terner: Düzgün yola qayıtmaq üçün ilk addımı Gürcüstan hökuməti atmalıdır
- 4 Kobaxidze 22 seçki dairəsi üzrə “Gürcü Arzusu”nun nümayəndə heyətinə namizədlərin adını açıqlayıb
- 5 Məhkəmə MSK-nın mübahisələndirilən qərarını qüvvədə saxlayıb
- 6 Ukrayna Rusiyanın 1000 kvadrat kilometr ərazisinə nəzarət etdiyini bildirir
Frankfurt, Hamburq, Berlin, Düsseldorf, Köln, Ştutqart, Bremen, Hannover, Leypsiq, Drezden və Erfurt hava limanlarında 25 min əməkdaş tətil edir. Münhen və Nürnberq hava limanlarının əməkdaşları tətilə qoşulmur, lakin, orada da uçuşların təxirə salınması və ya ləğv edilməsi istisna deyil.
Hava limanının təhlükəsizliyinə cavabdeh olan, yəni sərnişin, işçi və baqaj nəzarəti personalının tətilinin təşkilatçısı “Ver.di” həmkarlar ittifaqıdır. Həmkarlar ittifaqı tətil edənlərin saatlıq əmək haqqının 2,80 avro artırılmasını, müavinətlərin artırılmasını və iş vaxtından artıq işə, həmçinin gecə, tətil və bayram günlərində işləməyə görə əlavə ödənişlərin edilməsini tələb edir.
Həmkarlar ittifaqı ilə Aviasiya Təhlükəsizliyi Şirkətləri Federal Assosiasiyası (BDLS) arasında danışıqlar fevralın 6-dək davam edəcək. “BDLS”in məlumatına görə, tətilçilərin tələblərinin qarşılanması təkcə bu il xərcləri 250 milyon avro artıracaq.
