Gürcü musiqiçi, bəstəkar və pedaqoq Vaja Azaraşvili 87 yaşında vəfat edib.
Əsas xəbərlər
Vaja Azaraşvili 1936-cı il iyulun 13-də Tbilisidə anadan olub. 1961-ci ildə Vano Saracişvili adına Tbilisi Dövlət Konservatoriyasını bitirib. Həmin ildən pedaqoji fəaliyyətlə məşğul olub, Saracişvili adına Tbilisi Dövlət Konservatoriyasında müəllim və professor kimi çalışıb. 1994-cü ildə Gürcüstan Dövlət Filarmoniyasının bədii rəhbəri olub.
Vaja Azaraşvili simfonik və estrada əsərləri, tamaşalar və televiziya filmləri üçün musiqilər yazıb.
O, bir sıra tanınmış mahnıların, o cümlədən Tbilisinin “Dinamo” futbol klubunun - “Dinamo, Dinamo” himninin müəllifidir.
“Futbola fanatik sevgim var idi. Deyəsən mənə bunu bu sevgi yazdırdı. Bizmkilər Moskvada İrəvanın “Ararat”ını 3:0 hesabı ilə qalib gəldikdə, məni yatmağa nə məcbur edərdi. Bax onda mən melodiya yazdım, Moris Porxişvili – şeir, sonra isə “İveriya” onu lentə aldı”, – Vaja Azaraşvili bir neçə ay əvvəl müsahibəsində demişdi.
Bəstəkar müxtəlif vaxtlarda əməkdar incəsənət xadimi, Gürcüstanın xalq artisti və Tbilisinin fəxri vətəndaşı adlarına layiq görülüb. O, Fəxri Fərman Ordeninə layiq görülmüşdü.
