“Credit Suisse” ilə beynəlxalq mübahisədə “Gürcü arzusu”nun təsisçisi Bidzina İvanişvilinin maraqlarını müdafiə edən və vaxtaşırı öz mövqeləri ilə bağlı ictimaiyyətə məlumat verən Viktor Kipiani hakim partiyanı “xarici agentlər” haqqında rus qanununun təşəbbüskarı olduğuna görə tənqid edib.
Əsas xəbərlər
9-10 mart tarixlərində erməni və gürcü mətbuatına verdiyi müsahibədə Kipiani qeyd edir ki, sözügedən qanun layihəsi təşəbbüsünün irəli sürülməsinin hansı reaksiyanı doğuracağını proqnozlaşdırmaq çox asan idi.
“Bu reaksiya həm yerində, həm də xarici tərəfdaşlarımızdan oxunurdu. Ona görə də indi izah etmək ki, guya kifayət qədər izahat işi aparılmayıb... Mənim əks sualım yaranardı - reaksiyanın bu qədər mənfi və ağrılı olacağını bildiyimiz halda harada idik?”, - Kipiani Ermənistanın Birinci Kanalına deyib.
O, “İmedi” radiosuna bildirib ki, qanun layihəsi bir daha Gürcüstanın siyasi spektrinin ölkənin ümumi milli maraqları ilə partiyanın maraqlarını necə qarışdırmamalı olduğunu nə qədər dərk etməsinin bir növ lakmus kağızına çevrildi.
“Biz bəzi ritorik suallar verməliyik – bilmirdik ki, bu prosesin rəsmi başlanması nəinki ölkə daxilində, hətta ölkə hüdudlarından kənarda da belə kəskin reaksiya doğuracaq?! Axı biz bu barədə bir neçə bəyanat aldıq, ən azı bizim bəyan etdiyimiz, rəsmi kursumuzun istiqamətində olduğu həmin beynəlxalq qurumlardan. Təəssüflər olsun ki, Gürcüstan siyasəti hakimiyyət uğrunda siyasətə çevrilib, hakimiyyət uğrunda siyasət isə ölkənin inkişafının uzunmüddətli hədəflərini və prioritetlərini kölgədə qoyub”.
Viktor Kipianinin sözlərinə görə, qanun layihəsi hüquqi baxımdan sual doğurmayıb və məzmun baxımından kifayət qədər ağrısız olub.
“Dəfələrlə deylib ki, qeyri-hökumət sektoruna xüsusi ziyan vurmayacaqdı. Burada söhbət nə fəaliyyətlərin məhdudlaşdırılmasından, nə də digər tədbirlərdən getmirdi. Qanun layihəsi təşəbbüsünü irəli sürmək nəyə xidmət edirdi?
Əgər bu qanun layihəsi ilə heç bir obyektiv, nəzərəçarpacaq nəticələr əldə olunmursa, bu layihəni irəli sürmək, bu həvəs dalğasını doğurmaq nəyə lazım idi? Qanun layihəsi şəffaflıqla bağlı idi - motivlərdən biri belə səslənir. Hesab edirəm ki, əgər söhbət şəffaflığın dərəcəsinin artırılmasından gedirsə, buna mövcud qanunvericilikdə əlavə mexanizmlər vasitəsilə, məsələn, müəyyən əlavə və dəyişikliklər etməklə nail olmaq olardı.
Bilmədiyimiz bir şey varsa, onu daha yaxşı izah etmək olardı. Əgər bu düzgün izah edilsə və qanun layihəsinin müzakirəsi, sırf qanun layihəsini müzakirə etməli olduğumuz üçün etməyə oxşamasa idi monitorinq və bəyannamə vəzifəsi istisna olmaqla qeyri-hökumət sektorunda real əsaslı dəyişikliklərə səbəb olmazdı. Onda bəlkə də bu qanun layihəsinin təşəbbüskarı olanlar, heç olmasa, belə bir məşq keçib - bu qanun layihəsini irəli sürdükdə, hansı müsbət və mənfi cəhətlərin ortaya çıxacağını qeyd edərdilər. Məncə, bu halda mənfi cəhətlərin siyahısı daha geniş olardı”, - Kipiani bildirib.
Martın 13-ü, gün sonunda “Gürcü Arzusu”nun üzvü, parlamentin Hüquq Məsələləri Komitəsinin sədri Anri Oxanaşvili jurnalistlərə bildirib ki, Viktor Kipiani müəyyən müddətdir ki, Bidzina İvanişvilinin hüquqi xidməti ilə məşğul olmayır və onunla əlaqəsi yoxdur”.
“Gürcü arzusu” martın 7-də 78 deputatın dəstəyi ilə “xarici təsirin şəffaflığı haqqında” qanun layihəsini birinci oxunuşda qəbul edib və minlərlə insanın iştirak etdiyi etiraz aksiayalarından sonra rus qanununu rədd etmək məcburiyyətində qalıb və martın 10-da ikinci dinləmədə ləğv edib. Qanun layihəsi maliyyə vəsaitinin 20%-dən çoxunu xaricdən alan media qurumları və qeyri-hökumət təşkilatlarını “agent” kimi qeydiyyatdan keçirməyə məcbur edirdi. Ədliyyə Nazirliyinə media qurumlarını və qeyri-hökumət təşkilatlarını yoxlamaq, şəxsi məlumatların emalı və 25 min lari cərimə etmək səlahiyyəti verilirdi. Oxşar qanun Rusiyada 2012-ci ildən qüvvədədir və müstəqil medianı sıxışdırmaq üçün istifadə olunur.
