Gürcüstan Daxili İşlər Nazirliyinin Xidmət Agentliyi “Yol hərəkəti haqqında” 19 sentyabr 1949-cu il tarixli Cenevrə Konvensiyasında nəzərdə tutulmuş beynəlxalq sürücülük vəsiqələrinin verilməsinə başlayıb.
Əsas xəbərlər
Beynəlxalq sürücülük vəsiqəsi milli sürücülük vəsiqəsi əsasında bir il müddətinə verilir. Sənədin qiyməti 109 laridir. O, Gürcüstandan kənarda, Cenevrə Konvensiyasına üzv olan dövlətlərdə etibarlı olacaq.
“Yol Hərəkəti üzrə” Xidmət Agentliyi həmçinin 8 noyabr 1968-ci il tarixli Vyana Konvensiyasında nəzərdə tutulmuş və 3 il müddətinə etibarlı olan beynəlxalq sürücülük vəsiqələri verəcək. Sənəd Gürcüstandan kənarda Vyana Konvensiyasına üzv olan dövlətlərdə etibarlıdır.
Beynəlxalq sürücülük vəsiqəsini əldə etmək üçün maraqlı şəxs şəxsiyyəti təsdiq edən sənədi və milli sürücülük vəsiqəsini xidmət agentliyinə təqdim etməlidir.
Xidmət qurumundan bildirilib ki, beynəlxalq sürücülük vəsiqəsi qurumun struktur bölmələrində verilir və qeyd olunan xidmət distant formada həyata keçirilmir.
