Gürcüstanın Təhsil və Elm Nazirliyinin təşəbbüsü ilə dövlət məktəblərinin direktoru vəzifəsinə namizədlərin attestasiyası prosesinə start verilir. Sertifikatlaşdırma iki mərhələdən ibarətdir - test və müsahibə. Sertifikatdan keçmək üçün ərizəçilərin qeydiyyatı 2022-ci il oktyabrın 24-dən dekabrın 4-dək aşağıdakı linkdə mümkün olacaq: https://directors.mes.gov.ge.
Əsas xəbərlər
Nazirlikdən verilən məlumata görə, ali təhsilli və azı 3 il iş təcrübəsi olan Gürcüstan vətəndaşları sertifikatlaşdırma prosesində iştirak edə biləcəklər.
2020-ci ildə elan edilmiş direktor vəzifəsinə namizədlərin seçim müsabiqəsi çərçivəsində artıq qeydiyyatdan keçmiş şəxslərin yenidən qeydiyyata ehtiyacı yoxdur.
Direktorluq vəzifəsinə namizədlər üçün imtahan proqramı və test nümunələri oktyabrın 24-dən etibarən https://directors.mes.gov.ge veb saytında mövcud olacaq.
Oktyabrın 26-dan direktor olmaq istəyənlər https://el.ge saytında vebinar şəklində aşağıdakı mövzular üzrə məsləhət almaq imkanı əldə edəcəklər:
- Məktəb direktorunun standartı;
- Təhsilin keyfiyyətinin idarə edilməsi mexanizmləri;
- Məktəbin strateji planlaşdırılması və inkişafı;
- Məktəb kurikulumunun hazırlanması;
- Məktəb kurikulumunun həyata keçirilməsi: şagirdə yönləndirmiş proses;
- Məktəb kurikulumunun monitorinqi və qiymətləndirilməsi;
- İnsan resurslarının idarə edilməsi və inkişafı;
- İnsanların və proseslərin təhlükəsizliyi;
- Maddi və maliyyə resurslarının idarə edilməsi;
- İnformasiya resursları və strateji kommunikasiya;
- Tələbələrin hüquqlarının müdafiəsi və onlara dəstək tədbirləri;
- Məktəb mədəniyyətinin formalaşması.
Sertifikatlaşdırma ilə maraqlanan şəxslər konkret suallarını direktors@emis.ge ünvanına göndərə bilərlər.
Nazirlik bildirir ki, tez-tez verilən sualların təhlili əsasında 2022-ci il oktyabrın 30-dan dekabrın 16-dək vaxtaşırı məlumat xarakterli görüşlər keçiriləcək, burada maraqlı tərəflər onları maraqlandıran məsələlərlə bağlı ətraflı məlumat alacaqlar.
