“Zərərçəkənin birbaşa olaraq təqsirləndirilən şəxsin onu öldürməklə hədələdiyini bildirməsinə baxmayaraq, Telavi rayon məhkəməsinin hakimi (Mamuka Tsiklauri) əsassız olaraq prokurorluğun mövqeyini bölüşməyib. O, təqsirləndirilən şəxsdən irəli gələn riskləri və təhlükələri lazımi şəkildə qiymətləndirə bilməyib. yeni cinayət törətmək və onu gizlətmək təhlükəsi də daxil olmaqla, təqsirləndirilən şəxsin həbsini qanunsuz hesab edib. Günahkarı həbsdən azad edib və həbs qətimkan tədbiri kimi 2000 lari girov təyin edib”, - deyə prokuror Tornike Nadiradze Telavidə 26 yaşlı Mariam Qamtskitulaşvilinin qətli ilə bağlı keçirilən brifinqdə bildirib.
Əsas xəbərlər
Prokurorun sözlərinə görə, 22 yaşlı Tornike Qamxvetelaşvili azad edildikdən üç gün sonra rəsmi nikahda olmayan arvadını öldürüb.
“İstintaq müəyyən edib ki, təqsirləndirilən şəxs sərxoş vəziyyətdə Telavi şəhərində qarşılıqlı mübahisə zəminində arvadının boğazına və döş qəfəsinə soyuq silahla çoxsaylı xəsarətlər yetirib və hadisə yerindən qaçıb. Zərərçəkən yerindəcə dünyasını dəyişib.
Hüquq-mühafizə orqanlarının əməkdaşları təqsirləndirilən şəxsi elə həmin gün həbs ediblər. O, ailə üzvünə qarşı qəsdən adam öldürmə və başqa yerə getməmək barədə qərarın tələb və öhdəliklərinə əməl etməməkdə ittiham olunub. Cinayət 16 ildən 20 ilədək və ya ömürlük həbslə cəzalandırılır. Prokurorluq təqsirləndirilən şəxs barəsində həbs qətimkan tədbirinin seçilməsi barədə vəsatətlə qanunla müəyyən edilmiş müddətdə məhkəməyə müraciət edəcək”, - , - prokuror qeyd etdi və təqsirləndirilən şəxsin zərərçəkmişi sistematik şəkildə şifahi şəkildə təhqir etdiyini vurğuladı:
“Oktyabrın 4-də o, həyat yoldaşına və anasına fiziki təzyiq göstərib, həyat yoldaşını öldürməklə hədələyib. Daxili İşlər Nazirliyinin əməkdaşları onu 2022-ci il oktyabrın 4-də sözügedən cinayətə görə həbs ediblər. Oktyabrın 5-də Prokurorluq ona Cinayət Məcəlləsinin 126-cı Prima maddəsinin birinci hissəsi, iki epizod (məişət zorakılığı); 126 Prima (iki şəxsə qarşı ailədaxili zorakılıq) maddəsinin 2-ci hissəsinin “c” yarımbəndinə və 11-151-ci maddəsinin ikinci hissəsinin “d” yarımbəndinə uyğun olaraq - (ailə üzvünə qarşı hədə-qorxu) təqdim edib və onun barəsində həbs qətimkan tədbiri seçilib. Ancaq sizə dediyim kimi, hakim onu girovla buraxıb”.
Prokurorun sözlərinə görə, prokurorluq məhkəmənin mövqeyi ilə qətiyyən razılaşmayaraq Tbilisi Apellyasiya Məhkəməsinə müraciət edib: “Həbs cəzasına məhkum edilməmiş təqsirləndirilən şəxsə təhdidini həyata keçirmək imkanı verildi və o, arvadı ila amansızcasına hesablaşıb və hadisə ən pis nəticəyə səbəb olub. Qeyd olunan fakt qadın zorakılığına qarşı ən sərt tədbirlərin görülməsinin zəruriliyini bir daha vurğulayır. Bu, qadınlara qarşı zorakılıqla mübarizə üçün əlaqələndirilmiş işi, ictimaiyyətin cəlb edilməsini və birgə səyləri nəzərdə tutur”.
Gürcüstanda son bir həftədə 3 qadın öldürülüb.
- 2021-ci ildə - 22 qadının öldürülməsi, qəsdən öldürməyə cəhdlə bağlı isə 31 fakt qeydə alınıb.
- 2020-ci ildə - 24 qadın öldürüldü. Qadın öldürməyə cəhdlə bağlı 27 fakt qeydə alınıb.
- 2019-cu ildə -19 qadın öldürmə, 22 qadın öldürməyə cəhd faktı qeydə alınıb.
Mövzü ilə bağlı:
Telavidə 26 yaşlı qadının öldürülməsi ilə bağlı yeni təfərrüatlar məlum olub
