ABŞ-ın Gürcüstandakı səfiri Robin Daniqanın sözlərinə görə, Gürcüstan hökumətinin son həftələrdəki seçimləri ölkəni gürcülərin böyük əksəriyyətinin nail olmaq istədiyi məqsəddən, Avro-Atlantik gələcəkdən uzaqlaşdırıb. Səfirin yaydığı bəyanata görə, bu yaxınlarda Gürcüstanın yüksək rütbəli hökumət rəsmiləri ABŞ-ın yüksək rütbəli rəsmiləri ilə strateji tərəfdaşlıq və ABŞ yardımı ilə bağlı istənilən sualı müzakirə etmək üçün dəvət olunub, lakin Gürcüstan tərəfi bu dəvəti rədd edib.
Əsas xəbərlər
“Təəssüf ki, hakim partiya Avropa İttifaqının açıq şəkildə Gürcüstanın Aİ istəkləri ilə bir araya sığmadığını bəyan etdiyi qanunu qəbul etməkdə qərarlı görünür. Eyni zamanda, hakim partiyanın bəzi nümayəndələri Gürcüstanın suverenliyinin ən böyük tərəfdarlarına: ABŞ və Avropa İttifaqına hücum etməyi üstün tutdular. Biz Gürcüstan ərazisinin 20 faizini işğal edən ölkə ilə danışıqlarda Gürcüstanın yanında olmuşuq və yanındayıq. Biz gürcü dilinin, mədəni və tarixi irsinin qorunub saxlanmasını dəstəklədik və dəstəkləyirik.
Son otuz iki il ərzində biz ümumi dəyərlərə və Gürcüstanı Qərb demokratiyaları ailəsinin üzvü kimi görmək istəyinə əsaslanan tərəfdaşlıq qurmuşuq.
Biz gürcü xalqına və Gürcüstanın gələcəyinə – daha çox sülh və rifah gətirən Avropa gələcəyinə olan qəti öhdəliyimizi dəyişməkdən imtina edirik;
Bizim sərmayə və proqramlarımızın bəhrəsini görən hər bir gürcü bilir.
Biz bu yaxınlarda Gürcüstanın yüksək vəzifəli hökumət rəsmilərini ABŞ-ın yüksək vəzifəli rəsmiləri ilə strateji tərəfdaşlıq və ABŞ yardımı ilə bağlı istənilən sualı müzakirə etməyə dəvət etdik. Təəssüf ki, Gürcüstan tərəfi bu dəvətdən imtina etməyi üstün tutdu.
Biz Gürcüstan hökumətini Gürcüstan Konstitusiyasında yazıldığı kimi, Gürcüstanın Avro-Atlantik gələcəyinə sadiqliyini bir daha təsdiq etməyə çağırırıq. Birləşmiş Ştatlar güclü münasibətlərimizə sadiq qalır və gürcü xalqı üçün yalnız sülh, sabitlik və firavanlıq istəyir”, - səfir Daniqan bəyanatında bildirib.
