Ukrayna Prezidenti Volodimir Zelenski Gürcüstanı, o cümlədən Rusiyanın işğalı altında olan Abxaziyanı və Sxinvali bölgəsini Müstəqillik Günü münasibətilə təbrik edib.
Əsas xəbərlər
Oxucunun seçimi
- 1 “Gürcü Arzusu” “xarici agentlər” haqqında “rus qanunu”nu geri qaytarır
- 2 Bunun rus layihəsi kimi qəbul edilməsinin absurd olduğunu fəal şəkildə izah etmək lazımdır - Peskov rus qanun barədə
- 3 Avropa İttifaqı “Gürcü Arzusu”na Avropa Komissiyasının 1-ci və 9-cu tövsiyələrini xatırladır
- 4 Strasburq məhkəməsi Nika Qvaramiyanın şikayətini qəbul etməyib
- 5 Bu qanun nə Avropa, nə də Amerika qanunudur - Aİ səfiri rus qanunu barədə
- 6 Hakim Çxikvadzeyə qoyulan sanksiyanın götürülüb-götürülməməsi ilə bağlı ABŞ səfirliyindən izahat gözləyirəm - Papuaşvili
“Bu gün Gürcüstan Müstəqillik Gününü qeyd edir. Mən bütün gürcü xalqını təbrik edir, onlara bizimlə və Avropanın bütün digər xalqları ilə birlikdə azad, sülhsevər və Avropa ailəsində birləşmələrini arzulayıram. Mən bunu bütün Gürcüstana - ölkənizin Rusiyanın işğalı altında olan (Hələlik!) hissələrinə arzulayıram. Gürcüstan ən qədim və mühüm tarixi gücdən biridir və bu güc qarşısıalınmazdır, mən buna əminəm. İşğalçı məğlub olacaq”, - Zelenski gündəlik video müraciətinin sonunda deyib.
Ukrayna prezidenti təbrikini gürcü dilində belə yekunlaşdırıb: “გაუმარჯოს თავისუფალ საქართველოს! (Yaşasın azad Gürcüstan!)”.
Mayın 26-da Gürcüstanın Müstəqillik Günü qeyd edilib. Tbilisidə, Azadlıq meydanında bu günə həsr olunmuş tədbirdə çıxış edən Gürcüstan Prezidenti Salome Zurabişvili Ukraynaya qələbə və firavanlıq arzulayıb. Baş nazir İrakli Qaribaşvili də çıxışında Ukraynanın adını çəkib və deyib: “Azadlığın ilk düşməni müharibədir. Bu gün qardaş Ukrayna xalqımız Rusiyanın başladığı amansız müharibədə öz azadlığını qorumaq üçün çox böyük fədakarlıqlar göstərir. Mən bir daha Ukraynanı və Ukrayna xalqını dəstəklədiyimi bildirir, müharibənin tezliklə bitməsini, sülh, barışıq və azadlıq arzulayıram”.