Rəqabət və İstehlakçı Hüquqlarının Müdafiəsi Agentliyi kinoteatrları və kinoteatrların biletlərini onlayn satan şirkətləri 1 670 258 lari məbləğində cərimələyib.
Əsas xəbərlər
Birgə təsərrüfat subyekti “Distribyutor Şirkət”ə (“Distribyutor Şirkəti”,“Kavea Saburtalo” MMC, “Kavea Qalereya” MMC, “Kavea Tbilisi Mol” MMC, “Rustaveli Holdinq Sinema” MMC, “Amirani” MMC, “Apollo Batumi” MMC ) sanksiya kimi 1 120 562 lari ödəməsi həvalə olunub. 100% payı “TBC Bank Group PLC”yə məxsus olan “Tineti” MMC 544 328 lari, şikayətçi “El-Biletebi” MMC isə 5 368 lari məbləğində cərimələnib.
“Distribyutor Şirkət” MMC ilə “Tineti” MMC arasında eksklüzivlik şərti ilə imzalanmış və kinoteatr biletlərinin yalnız “Tineti”yə məxsus “tkt.ge” portalına satış hüququ verən müqavilə rəqabət məcəlləsinin pozulması kimi qiymətləndirilib. Şikayətçi MMC “El-Biletebi” də öz növbəsində ona məxsus olan “biletebi.ge” portalında eksklüziv əldə etməyə çalışıb.
“İstintaqın ilkin mərhələsində qurumun müraciəti əsasında məhkəmə “Distribyutor Şirkət” tərəfindən eksklüziv şərtdən istifadəni dayandırıb. Müvafiq olaraq araşdırmalar başa çatana və qurumun yekun qərarına qədər artıq şikayətçi şirkətə bazarda fəaliyyət göstərməyə icazə verilib və bununla da qapalı bazar açılıb və rəqabət mühiti yaradılıb”, - deyə qurumun açıqlamasında bildirilir.
Rəqabət Agentliyi tərəfindən cərimələnən 6 kinoteatr qərarı məhkəməyə şikayət etməyə hazırlaşır.
