Avropa Şurasının saytında Korrupsiyaya qarşı Mübarizə edən Dövlətlər Qrupunun (GRECO) Gürcüstanla bağlı hazırladığı qiymətləndirmə hesabatının statusu “məxfi” olaraq göstərilib. Gürcüstandan fərqli olaraq, Ermənistanın qiymətləndirmə hesabatı aprelin 18-dən - ingilis, fransız və erməni dillərində mövcuddur. Gürcüstan hökuməti hesabatı gizlətdiyini inkar edir.
Əsas xəbərlər
Oxucunun seçimi
- 1 Bu qanun nə Avropa, nə də Amerika qanunudur - Aİ səfiri rus qanunu barədə
- 2 “İvanişviliyə offşorlarda gizlədilən əmlakını ölkəyə gətirməyə icazə verilir”, - qanunda nə dəyişir
- 3 BMT Gürcüstanı rus qanunu geri götürməyə çağırır
- 4 Bidzina İvanişvilinin anti-qərb mesajları
- 5 Siz [reaksiyamızı] gözləyə bilərsiniz - Dövlət Departamenti rus qanunu haqda
- 6 Böyük Britaniya da “Gürcü Arzusu” rus qanununu tənqid edir
Martın 18-22-də Strasburqda "GRECO"nun 96-cı plenar iclasında Gürcüstanın 5-ci raund qiymətləndirmə hesabatı təsdiq edildi. Bu raund korrupsiyanın qarşısının alınması və yüksək vəzifəli icra hakimiyyəti orqanlarında və hüquq-mühafizə orqanlarında dürüstlüyün təşviq edilməsini nəzərdə tutur. Buraya aşağıdakı mövzular daxildir: etik prinsiplər və davranış qaydaları; maraqların toqquşması; müəyyən fəaliyyətlərin qadağan edilməsi və ya məhdudlaşdırılması; aktivlərin, gəlirlərin, öhdəliklərin və faizlərin bəyannaməsi; maraqların toqquşması qaydalarının həyata keçirilməsi; şüurluluq.
“Beynəlxalq Şəffaflıq - Gürcüstan”nın verdiyi məlumata görə, hesabat tövsiyyələrlə müşayiət olunur ki, onların həyata keçirilməsi Avropaya inteqrasiya prosesinin bir hissəsidir və Venesiya Komissiyasının tövsiyəsinə əsasən həm də deoliqarxizasiyanın komponentidir.
"Gürcüstan hökumətinin antikorrupsiya mühitinin monitorinqi prosesində iştirakdan və/və ya qiymətləndirmələri açıq şəkildə dərc etməkdən imtina etdiyi zaman biz təhlükəli və həyəcanverici tendensiya ilə üzləşirik. Ötən il Gürcüstan hökuməti 20 ildə ilk dəfə İqtisadi Əməkdaşlıq və İnkişaf Təşkilatının (OECD/ACN) antikorrupsiya şəbəkəsinə nəzarət etməyə yox deyib. Avropa Komissiyası bizi OECD/ACN monitorinq prosesinə qayıtmağa birbaşa çağırır", - “Beynəlxalq Şəffaflıq - Gürcüstan” bu gün bildirib.
Baş nazir İrakli Kobaxidze qeyri-hökumət təşkilatına hücum edib və onu yalan yaymaqda ittiham edib. Baş nazirin sözlərinə görə, hökumətin GRECO hesabatını gizlətməsi yalandır.
"Bu yalanı “beynəlxalq şəffaflıq” yayırdı ki, bunlar da əslində “milli qaranlıq” adlandırılmalı, yəni deyilən şeyin tam əksidir.
Əslində, biz artıq Strasburqa, Avropa Şurasına razılıq vermişik ki, bu hesabat dərc olunacaq, bu, bir neçə günün söhbətidir. Bu hesabat tərcümə olunan kimi dərc olunacaq. Bu xüsusi "Engeo" belə yalanları yayanda onların məqsədinin nə olduğu aydın olur", - deyib Kobaxidze.
Korrupsiyaya Qarşı Mübarizə Bürosu izah edir ki, hesabatların tərcüməsi onların həcmindən asılı olaraq ağlabatan müddət tələb edir və bu səbəbdən “96-cı plenar iclasda təsdiq edilmiş 14 məruzədən yalnız üçü tərcümə edilərək dərc edilib. Almaniya, Belçika, İtaliya, Xorvatiya, İsveçrə, Yunanıstan, Litva, Qazaxıstan kimi ölkələr də hesabati dərc etməyiblər". Korrupsiyaya Qarşı Mübarizə Bürosu bildirir ki, tərcümə prosesi başa çatan kimi sənədlər həm Büronun, həm də GRECO-nun rəsmi saytında dərc olunacaq.
