“Lelo” partiyası hakimiyyətə gələcəyi təqdirdə əhaliyə pensiyanı mərhələli şəkildə 1000 lariyə qədər artıracağını vəd edir.
Əsas xəbərlər
Oxucunun seçimi
- 1 Rus qanununu vasitəsilə fiziki şəxsləri də cərimələmək mümkün olacaq
- 2 Bidzina İvanişvilinin anti-qərb mesajları
- 3 Parlament rus qanununu üçüncü oxunuşda 84 səslə qəbul edib | Qanunu dəstəkləyənlərin siyahısı
- 4 Bu qanunu gözəlləşdirəcəyimə ümidiniz olmasın, bu qanun rus tiplidir və belə də qalacaq
- 5 Avropa Parlamenti “Gürcü Arzusu”nun rus qanunu əleyhinə qətnamə qəbul edib
- 6 Təslim olmayın, bizdən şifahi dəstəkdən daha çoxunu gözləyə bilərsiniz - Rot aksiyada bildirib
Lelonun hesablamalarına görə, əgər aşağıdakı tədbirlər görülsə büdcədən pensiyalar 2024-cü ildəcə 200 lari artırıla bilər: İnfrastruktur Nazirliyinin proqramlarından 1 milyard lari azad ediləcək; işlə təminetmə proqramlarından və frilanserlərin 80% ixtisarı nəticəsində 500 milyon lari azad ediləcək; büdcə oyun biznesinin vergisindən əlavə 400 milyon qazanacaq. Lakin pensiyaları 1000 lariyə çatdırmaq üçün 2 milyarda qədər olan məbləğ kifayət etmir və təxminən 10 milyard lari lazımdır.
Partiyanın baş katibi İrakli Kupradzenin sözlərinə görə, bu gün dayandırılan qənaət edilmiş layihələri həyata keçirməklə pulun qalan hissəsini səfərbər etmək mümkün olacaq.
“Bu, Anaklia limanının tikintisi və onun fəaliyyətidir. Bu, Anaklia şəhərinin tikintisi və sonradan investisiyaların cəlb edilməsidir. Hökumətin dəyişdirilməsi və 2024-cü ildən “Lelo”nun cavabdeh olduğu böyük layihələrin həyata keçirilməsi qaçılmaz və vacibdir”, - deyə İrakli Kupradze bildirib.
Gürcüstan hökumətinin qərarına əsasən, 2024-cü ildə 70 yaşadək şəxslərin pensiyası 20 lari artaraq 315 lari, yüksək dağlıq yaşayış məntəqələrində yaşayanların pensiyası isə 380 lari olacaq. Yaşı 70 və yuxarı olan şəxslərin pensiyası 50 lari artaraq 415 lari olacaq. Yüksək dağlıq yaşayış məntəqələrində eyni kateqoriyadan olan pensiyaçılar 490 lari alacaqlar.
