Gürcüstanın Müstəqillik Gününə həsr olunmuş keçiriləcək təntənəli tədbirlərə hazırlıq dövründə və mayın 26-da Tbilisidə nəqliyyat vasitələrinin hərəkəti məhdudlaşdırılacaq.
Əsas xəbərlər
Xususilə, Daxili İşlər Nazirliyinin Patrul Polis İdarəsinin məlumatına görə, mayın 23-də saat 00:00-dan etibarən Azadlıq meydanı, Rustaveli prospekti və Birinci Respublika meydanında, eləcə də Rustaveli prospektini birləşdirən bütün küçələrdə avtomobillərin hərəkəti tam məhdudlaşdırılacaq.
- Avtomobillər Barataşvili və Tabukaşvili küçələri ilə, Merab Kostava və “Sanapiro” küçələri istiqamətində hərəkət edə biləcəklər.
- Mtatsmindadan hərəkət Asatiani küçəsi ilə, Qorqasli meydanı istiqamətində mümkün olacaq.
- Kote Abxazava küçəsi (keçmiş Leselidze küçəsi) ilə hərəkət edən nəqliyyat vasitələri “Verçxli” küçəsi ilə Barataşvili küçəsi istiqamətində hərəkətini davam etdirə biləcək.
- Sağ sahildən Barataşvili küçəsinə gedən enişdə nəqliyyat vasitələrinin hərəkəti qadağan olunacaq.
- Nəqliyyat vasitələri Vaxtanq Qorqasali küçəsi istiqamətində hərəkət edə biləcək.
- Barataşvili enişindən hərəkət edən nəqliyyat Barataşvili körpüsünü keçdikdən sonra yalnız Ədliyyə Evinin yaxınlığındakı enişlə, sağ sahil istiqamətində hərəkət edəcək.
- Mtatsminda istiqamətində hərəkət edən avtomobillər Petre Melikişvili küçəsi ilə Simon Canaşia, İvane Tarxnişvili və Tamar Çovelidze küçələri ilə hərəkət edəcək, oradan da Çonkadze küçəsi istiqamətində hərəkətlərini davam etdirəcəklər.
- İliya Çavçavadze prospektindən gələn axın öz hərəkətini Petre Melikişvili və Merab Kostava küçələri ilə sahil istiqamətində davam etdirə biləcək.
Mayın 27-dən tədbir üçün nəzərdə tutulan dekorasiyalar söküldükdən sonra məhdudiyyətlər götürüləcək və nəqliyyatın hərəkəti normal vəziyyəti bərpa olunacaq.
