Dmanisi bələdiyyəsinin Kvemo Orozman kəndində, Dmanisi kəndindən təxminən 25 kilometr aralıda beynəlxalq arxeoloji ekspedisiya erkən Homonun (qədim insan) aşağı çənə dişini, 4-cü premolarını tapıb.
Əsas xəbərlər
Ekspedisiyanın elmi rəhbəri Giorgi Bidzinaşvilinin sözlərinə görə, kəşf 1.8 milyon il əvvəl Orozmanda qədim insanların yaşadığını sübut edir.
Homo erektus insanın əcdadlarından biridir. O, artıq iki ayaq üstə dayanır, boyu təxminən 130 santimetrə çatır, beyni kiçikdir, ehtimal olunur ki, danışa bilmir və ocaq yandıra bilmir, amma primitiv alətlər hazırlamağı və istifadə etməyi bilir.
“Bu, mühüm kəşfdir. Bu adam bizim məşhur Zezva və Mziya - ilk avropalılar qədər yaşlıdır. Dmanisidən sonra dünya elmi xəritəsində Orozman şəklində yeni bir nöqtə meydana çıxdı. Kəşf bu yerin gələcəyini və taleyini yaxşılığa doğru dəyişdi - Gürcüstanın Orozman şəhərinə elmi maraq artacaq, bura çoxlu tədqiqatçılar gələcək. Həm də bu, gürcü elmi üçün çox böyük qələbə olacaq”, - Giorgi Bidzinaşvili bildirib.
Orozman dünya əhəmiyyətli arxeoloji abidədir. Dmanisi ilə birlikdə Afrikadan kənarda qədim insanın və ya erkən Homonun yayılma mərkəzini təmsil edir.
2021-ci ildə Orozman ərazisində aparılan ilk arxeoloji qazıntılar zamanı Avrasiyanın qədim sakinləri (Homo erektus) tərəfindən hazırlanmış daş alətlər aşkar edilmişdir ki, bunlardan tarixdən əvvəlki insan tərəfindən ovçuluq və qida emalı üçün istifadə edilmişdir. Ekspedisiya nəticəsində 30-dan çox artefakt və daşlaşmış heyvan aşkar edilib.
2022-ci ildə arxeoloji işlər davam edir. Alimlər daha çox insan qalıqları və alətlər tapmağı gözləyirlər ki, bu da insanların mənşəyini və Afrikadan Avrasiyaya miqrasiya dövrünü daha yaxşı öyrənməyə imkan verəcək.
