Prezident Salome Zurabişvilinin sözlərinə görə, Dağlıq Acaranın folklor gecəsində iştirak etmək üçün Acaradan Tbilisiyə gedən “Fesvebi” ansamblı “yoldan geri qaytarılıb”. Dövlət başçısının təşəbbüsü ilə Orbeliani sarayında folklor gecəsi keçirilib.
Əsas xəbərlər
“Çox üzücüdür ki, Acaradan gəlməli olan “Fesvebi” ansamblını geri qaytarıblar, çünki, sən demə prezident sarayında çıxış etmək qadağan imiş. Belə bir istinadın haradan gəldiyini və nə demək olduğunu özünüz düşünün. Bu mədəni bolşevizm deyilsə, onun nə olduğunu bilmirəm. Təəssüf ki, mən onlardan öz adımdan üzr istəyirəm, onları bu şəkildə yoldan geri qaytarıblar və cəmiyyətdən üzr istəyirəm ki, bu gün bu ölkədə belə şeylər ola bilir”, - Salome Zurabişvili bildirib.
Prezident Administrasiyasından verilən məlumata görə, folklor gecəsi çərçivəsində Orbeliani sarayında Acara qadınlarının yaratdığı xüsusi xəzinə - əllə toxunmuş, bəzəkli “Acara parçaları” sərgilənib. Tədbirdə Acaradan olan qonaqlarla yanaşı, folklorşünas Eter Tataraidze də iştirak edib.
