Ramzan Kadırov Ukraynada döyüşən çeçenlərə müraciət edərək, Ukraynada olan İçkeriya Çeçenistan Respublikasının hökumətinin keçmiş rəhbəri Əhməd Zakayevi öldürməyə çağırıb. Kadırov hədələyir və deyir ki, “dünya alt-üst olsa belə” yenə də Zakayevi “ələ keçirəcək”.
Əsas xəbərlər
Rusiya qismən səfərbərlik elan etdikdən sonra Ramzan Kadırov ana dilində videomüraciət yazıb və Telegram-da yayımlayıb. Bundan əvvəl Zakayev video yayımlayıb, o, həmvətənlərini Rusiyanın tərəfinə keçməməyə çağırış edib.
“Onu (Zakayevi) kişi və ya qadın adlandırmaq olmaz. O, bizi Ukraynada davam edən xüsusi əməliyyatda iştirak etməməyə çağıran video yazır, bizə qaçmağı, vətənimizi tərk etməyi təklif edir. Bu adam çeçen xalqının, çeçen kişilərinin şərəfini alçaldır... İndi o, xüsusi əməliyyat zonasındadır və onu birinci tutan kəs məhv etməlidir. Dünya alt-üst olsa belə, mən onu ələ keçirəcəyəm. Mən hətta tribunal qarşısına çıxmağa hazıram”, - Kadırov deyir.
O, eyni zamanda özünü “O biri tərəfdə” [Ukraynanın] tapıb və Çeçenistana qayıtmaq istəyən çeçenlərə müraciət etdi: “Əgər siz onu güllə ilə öldürüb evinizə qayıtsanız, mən sizin azadlığınızı təmin edəcəm, ömürlük təmin olunacaqsınız. Sizlərdən hər hansı biriniz bir şərtlə Çeçenistana qayıda biləcəksiniz, ya Zakayevin şalvarını çıxaracaqsınız, ya da alnından güllələyəcəksiniz”, - deyə Kadırov çeçen dilində olan videomüraciətdə bildirib [tərcüməni Rusiya KİV-ləri yayıb].
Bundan əlavə, Ramzan Kadırov yazır ki, Çeçenistan Respublikası Rusiya Federasiyasının tərkib hissəsidir və “qaçaq cinayətkarlar” nə qədər narahat olsalar da, bu belə qalacaq: “Biz çeçenlər Rusiyanın azad xalqlarıyıq. Biz özümüz onun bir hissəsi olmağa qərar verdik. Onu özümüz qorumaq qərarına gəldik. Gəlin və bu haqqı əlimizdən almağa çalışın”.
Ramzan Kadırov artıq bir dəfə Ukraynada döyüşən İçkeriya Respublikasının tərəfdarlarını qan alacaqları ilə hədələmişdi.
Əhməd Zakayev sentyabrın 17-də Ukrayna mətbuatına verdiyi müsahibədə bildirib ki, 2014-cü ildən sonra Ukrayna tərəfində döyüşən çeçen batalyonlarının sayı 4-ə çatıb. Onların arasında İçkeriyanın birinci prezidenti Coxar Dudayev və Şeyx Mənsurinin adını daşıyan iki könüllü batalyonu da var. Çeçen dəstələrindən biri Ukrayna Silahlı Qüvvələrinin tərkibindədir.
“Çeçen cəmiyyətində belə bir anlayış var ki, Ukraynanın Rusiya üzərində qələbəsi bizim azadlığımız, müstəqilliyimiz üçün şansdır. Buna görə də, azad çeçenlər Ukraynanı tam dəstəkləyir və dəstəkləməyə davam edəcək – necə könüllülər, eləcə də döyüş hissələri. Kadırov kimdir? Kadırov Kvislinqdir (kollaborasionist, nasist Almaniyasının işğalı zamanı Norveçin baş naziri), bu gün işğalçılardan faydalanan və öz xalqını məhv edən mənəvi cəhətdən çirkin bir insandır. O cəzalandırılacaqmı? Təbii ki, o da cəzasını alacaq – Çeçenistan və Ukraynada törətdiyi cinayətlərə görə hamı kimi”, - Zakayev bildirib.
Əhməd Zakayev İçkeriya Çeçenistan Respublikası hökumətinin keçmiş üzvü və birinci Rusiya-Çeçen müharibəsinin veteranıdır. 2003-cü ildə Böyük Britaniya ona siyasi sığınacaq verib.
