Rusiya Federasiyası həbsdə olan iki amerikalının azadlığa buraxılması müqabilində Zelimxan Xanqoşvilinin qətlində təqsirli bilinən Vadim Krasikovun təhvil verilməsini tələb edib - Amerikanın CNN televiziya şirkəti xəbər verir.
Əsas xəbərlər
CNN-in məlumatına görə, ruslar bu ayın əvvəlində Rusiyanın Federal Təhlükəsizlik Xidmətinin (“FSB”) qeyri-rəsmi yollarla ABŞ rəsmiləri ilə əlaqə saxlayaraq, Krasikovun azad edilməsi tələbini irəli sürüblər. Mənbələrin CNN-ə verdiyi məlumata görə, Amerika tərəfi bu tələbi digər səbəblərlə yanaşı Krasikov Almaniyada həbsdə olduğuna və əlaqənin qeyri-rəsmi yollarla həyata keçirildiynə görə bu tələbi problemli hesab edib.
Rusiyada narkotik qaçaqmalçılığında ittiham olunan amerikalı basketbolçu Brittani Qreynerin məhkəməsi hələ də davam edir. Onu Rusiyaya tərkibində çətənə yağı tərkibli elektron siqaret kapsullarını idxalı cəhdinə görə 10 ilə qədər həbs cəzası gözləyir. Birləşmiş Ştatlar Qreynerin və casusluqda təqsirli bilinən digər məhbus Pol Uilanın ekstradisiyasını tələb edir. 2020-ci ildə Whelan 16 il həbs cəzasına məhkum edildi. Onların təhvil verilməsi müqabilində Rusiya ABŞ-da silah qaçaqmalçılığına görə məhkum olunmuş Viktor Butun azadlığa buraxılmasını tələb edirdi.
Adı açıqlanmayan Almaniya hökumət rəsmisi CNN-ə bildirib ki, ABŞ rəsmiləri almanlardan Krasikovu “al-ver”-ə daxil edə biləcəklərini soruşublar. CNN-in mənbəsi onu da deyir ki, bu məsələ Almaniya hökumətində heç vaxt ən yüksək səviyyədə müzakirə olunmayıb.
“Üçüncü ölkədə həbsdə olan rusiyalı qatilin azad edilməsi üçün qeyri-qanuni saxlanılan iki amerikalının girov götürülməsi ciddi əks təklif deyil. Bu, sövdələşməni pozmaq üçün pis niyyətli cəhdidir”, - Milli Təhlükəsizlik Şurasının sözçüsü Adrienne Watson məqalə dərc edildikdən sonra CNN-ə bildirib.
CNN-in məlumatına görə, ABŞ rəsmiləri hesab edir ki, Rusiya qeyri-ciddi təkliflərlə Qreynerin məhkəməsi başa çatana qədər vaxt qazanmağa çalışır.
2021-ci ilin dekabrında Berlin Ali Məhkəməsi Federal Prokurorluğun vəsatətini qəbul edərək, 40 yaşlı Gürcüstan vətəndaşı Zelimxan (Tornike) Xanqoşvilinin qətlində təqsirləndirilən Rusiya vətəndaşı Vadim Krasikovu ömürlük həbs cəzasına məhkum edib. Milliyətcə çeçen olan Zelimxan Xanqoşvili Pankisi vadisindən idi. İkinci Çeçenistan müharibəsində Rusiyaya qarşı vuruşub.
Xanqoşvili 2015-ci ildə ona qarşı olunan növbəti hücumdan sonra Gürcüstanı tərk edərək Almaniyadan sığınacaq istəyib. O, 2019-cu il avqustun 23-də Berlinin Moabit rayonunda odlu silahdan açılan atəşlı qətlə yetirilib. Xanqoşvili cümə namazı üçün məscidə gedərkən velosipedlə yoldan keçən şəxs onun başına atəş açıb. Zelimxan Xanqoşvili yerindəcə keçinib. Qatil, Rusiya pasportuna görə Vadim Sokolov həmin gün həbs edilib.
Almaniya Federal Prokurorluğu Zelimxan Xanqoşvilinin Rusiya hakimiyyətinin göstərişi ilə öldürüldüyünü iddia edib. Almaniya iki rus diplomatını da ölkədən çıxarıb. Rusiya hökuməti qətllə hər hansı əlaqəni inkar edərək öz vətəndaşının ömürlük həbsini siyasiləşdirilmiş qərar hesab edib.
Rusiya Federasiyasının prezidenti Vladimir Putin də Xanqoşvilinin qətlinə dair bəyanətla cavab verib və onu “qanlı qatil” adlandırıb: “O, təkcə bir əməliyyatda Qafqazda 98 nəfəri öldürüb”.
