Rustavidə silahlı şəxs "İstanbul bazarı"nın ərazisinə daxil olaraq oradakı işçilərə atəş açıb. Dörd nəfər öldürülüb, bir nəfər yaralanıb. Polis 36 yaşlı Q. O.-nu hadisə yerindəcə yaxalayıb.
Əsas xəbərlər
“112-yə Rustavi şəhərinin İstanbul bazarı adlanan ərazisində atışma olması barədə məlumat daxil olub. Xəbərdarlığı alan kimi Daxili İşlər Nazirliyinin müvafiq qurumlarının nümayəndələri dərhal hadisə yerinə gəliblər.
Müəyyən edilib ki, 1988-ci il təvəllüdlü Q.O. bazar ərazisində bir neçə dəfə atəş açıb. Atışma nəticəsində 4 nəfər, o cümlədən müttəhimin həmin bazarda işləyən əmilərindən biri öldürülüb”, - Daxili İşlər Nazirliyi bildirir.
Yaralı xəstəxanaya yerləşdirilib. Hadisə yerində hüquq-mühafizə orqanlarının əməkdaşları işləyir. Hazırda cinayətin motivi məlum deyil.
