Yeni xəbərlər

“Biz böhran vəziyyətində özünü jurnalist adlandıran, yalanlar yayan və əhali arasında panika yayan bir insan gördük”- sentyabrın 14-də Papuaşvili mətbuata açıqlama verib və “Dağ Xəbərləri”ni “birtərəfli və yoxlanılmamış jurnalistika”ya misal olaraq göstərib. 

Parlament sədrinin bəyanatından sonra hakim “Gürcü Arzusu” partiyasının sədri və parlament çoxluğunun lideri İrakli Kobaxidze “Dağ Xəbərləri”nin redaktorunu “biabırçı adam” adlandırıb.

“Qela Mtivlişvili ümumiyyətlə biabırçı adamdır. ...bu cür insanlar haqqında media kontekstində danışmaq tamamilə yanlışdır. Qela Mtivlişvilinin media və jurnalistika ilə heç bir əlaqəsi yoxdur”, - Kobaxidze bildirib.

Papuaşvili və Kobaxidze  “Dağ Xəbərləri” ilə Şovi faciəsinin tənqidi işıqlandırılmasına görə üz-üzə gəlib. Təbii fəlakətlə bağlı məlumat, palçıqda qalan insanların fotoşəkilləri və onları xilas etmək üçün vertolyotla təcili yardıma ehtiyacı olması barədə məlumat ilk dəfə  “Dağ Xəbərləri” tərəfindən dərc edilib. Nəşr hadisəni yerindən aktiv şəkildə işıqlandırıb ki, “Gürcü Arzusu”nun üzvləri bunu bəyənməyiblər və jurnalisti elə oradaca hədələyiblər. Az sonra hakimiyyət Şoviyə girişi əvvəlcə “Dağ Xəbərləri”nin jurnalistləri, sonra isə bütün media nümayəndələri üçün məhdudlaşdırıb. “Dağ Xəbərləri” ilə müsahibələrdə bir sıra elm adamları insan tələfatının qarşısının alına bilincəyinin mümkün olduğunu söyləyib. Şovidə Buba çayı vadisindən buzlaq əsaslı palçıq sürüşməsi nəticəsində 33 nəfər, o cümlədən uşaqlar həlak olub.

“Dağ Xəbərləri”nin redaktoru Qela Mtivlişvili deyir ki, redaksiya siyasətçilərlə polemikaya girmək niyyətində deyil, lakin Papuaşvili və “Gürcü Arzusu” siyasi komandasının digər liderlərinin hər bir belə bəyanatı medianın iş mühitini pisləşdirir və daha təhlükəli edir.

“Şovidə baş verən təbii fəlakətlə bağlı ilk gündən və ondan sonra da biz ictimaiyyətə yalnız yoxlanılmış məlumat verdik.

Biz hələ də araşdırma filmi üzərində işləyirik. Dövlət qurumlarının çoxsaylı müdaxilələrinə - Şoviyə girişin olmaması; ictimai məlumatların bloklanması; respondentləri bizimlə görüşməmək, müsahibədən imtina etmək barədə xəbərdar etmək/qorxutmaq; təhdidlərə baxmayaraq, yaxın günlərdə film üzərində işləri tamamlayacağıq. Bu, bizim cavabımız olacaq”, - Qela Mtivlişvili qeyd edir.

Parlamentin sədri və parlament çoxluğunun lideri faciənin ilk günlərində “Dağ Xəbərləri”nə hücum edib. Papuaşvili “Dağ Xəbərləri” ilə birlikdə, Milli Ətraf Mühit Agentliyinin Şovi fəlakət ilə bağlı ilkin rəyini şübhə altına alan Milli Seysmik Monitorinq Mərkəzinin direktoru Tea Qodoladzeni və “Yaşıl Alternativ”in direktoru Nino Qucaraidzeni təxribatda günahlandırıb.

“Biz təbii fəlakətlər və böhran anları ilə məşğul olarkən, bu cür dezinformasiyalar yaymaqla birbaşa təxribat olanda, təbii ki, burada bu təşkilatların donorları – “Yaşıl Alternativ” və “Dağ Xəbərləri”nin donorları ilə bağlı ciddi sual işarələri yaranır. Onlar xarici donorlardır.

Biz müxtəlif ölkələrdən çoxlu başsağlığı aldıq. Bu başsağlığı yaxşıdır, amma böhran anında bilavasitə təxribat törədən çaxnaşma salmağa, ictimaiyyəti çaşdırmağa çalışan təşkilatları maliyyələşdirəndə, bu nə davranışdır və ya ümumiyyətlə nəyin maliyyəsidir.

Hazırda bu təşkilatların donorları kimlərdir bilmirəm, amma mən bu təşkilatların nəyi maliyyələşdirdiklərinə vəbunun nə olduğuna baxmağa çağırıram. Budur xalqa qarşı dostluq? Böhran anında onların maliyyələşdirdiyi təşkilatlar bilavasitə bütün prosesi təhrif edir və çaxnaşma yaratmağa çalışırlar. Dezinformasiyadan danışarkən elə əsas problem də budur, başqa vaxtlar bunun hansısa şəkildə öhdəsindən gələ bilər və daha az emosional ola bilərik, buna öyrəşmişik, lakin bu zaman faciədən danışarkən və fəlakətən doğan böhran anlarını idarə edərkən, bax belə media orqanlarının və QHT-lərin arxadan bıçaqlaması, şübhəsiz ki, onların donorlarının məsuliyyətidir və mən onları bu barədə düşünməyə çağırıram”, - Papuaşvili bildirib.

Həmin gün İrakli Kobaxidze “İmedi” teleşirkətinin efirində “Dağ Xəbərləri”nin redaktorunu “nakişi” adlandırıb.

Media Vəkilləşdirilməsi Koalisiyası son dövrlər baş verən hadisələri narahatedici adlandırır. Müstəqil internet nəşri OC Media parlament sədrinin fikrini dərc etməkdən imtina edib, bundan sonra Papuaşvili nəşrin donorlarına müraciət edib. Nəşr imtinanın obyektiv səbəblərini parlament sədrinin nümayəndəsinə izah etsə də, Papuaşvili donorlara məktub göndərərək media orqanına təsir göstərməyə çalışıb və onu senzuraya salıb.

Əhalinin, vətəndaş sektorunun və medianın etirazları nəticəsində “Gürcü Arzusu” ölkədə hakimiyyətdən asılı olmayan medianı məhv etmək məqsədi daşıyan “rus qanunu”nu qəbul edə bilməyib. Bununla belə, Şalva Papuaşvilinin bəyanatları və hərəkətləri açıq şəkildə göstərir ki, hökumət “rus qanunları” ruhuna uyğun hərəkətlərindən əl çəkmir və mediaya təzyiq göstərir.

Media sahiblərinə hücumlar və müstəqil onlayn media vasitələrinə təzyiq cəhdləri jurnalistlərin öz işlərini görmək səylərinə zərbə vurur. Bu cür hərəkətlər nəinki ictimaiyyətə açıq olan məlumatı məhdudlaşdırır, həm də ölkədə qalan demokratik institutları məhv edir”, - Media Vəkilliyi Koalisiyası hakim partiyanı media azadlığının qorunması üçün təcili tədbirlər görməyə çağırıb.