Polis Tbilisidə gecə klublarından birində 8 nəfəri turistlərdən dələduzluq yolu ilə külli miqdarda pul almaqda ittiham edərək həbs edib. Onların arasında klub sahibləri və orada işləyənlər, taksi sürücüləri də var.
Əsas xəbərlər
Daxili İşlər Nazirliyinin məlumatına görə, saxlanılanlardan üçü əvvəllər də məhkəmədə olub.
“İstintaq müəyyən edib ki, gecə klublarından birinin sahibləri – R.M. və Q.Ç. taksi sürücüləri – Z.D., A.D. və M.D. ilə razılaşmaya əsasən turistləri konkret bara aparırdılar, adı çəkilən barın əməkdaşları: D.B., D.A. və G.K.-nın köməyi ilə dələduzluq yolu ilə sifariş edilən xidmət və məhsullara uyğun olmayan məbləğdə pul götürüblər. Həmçinin zərərçəkmişlərə psixoloji təzyiq və təhdidlər edilib”, - Bu barədə Daxili İşlər Nazirliyindən məlumat verilib.
Faktla bağlı Cinayət Məcəlləsinin 180-ci maddəsinin 2-ci hissəsinin “a” bəndi ilə mütəşəkkil dəstə tərəfindən törədilən dələduzluqla bağlı araşdırmalar aparılır. Cinayət 10 ilədək azadlıqdan məhrumetmə ilə cəzalandırılır.
