“Balda Kanyonunun Mühafizəçiləri”nə hücumda təqsirləndirilən qardaşların vəkillərinin fikrincə, Qela və Qiqa Xurtsilava zəruri dəf çərçivəsində hərəkət ediblər və onlara qarşı irəli sürülən ittiham yanlışdır. Vəkil ittihamın qəsdən adam öldürməyə cəhd hissəsindəki kvalifikasiyasını mübahisə edib və bildirib ki, zərərçəkmiş Mindia Bjalavanın bu ağır maddə ilə ittiham olunmaq üçün lazım olan dərəcəli xəsarətləri yoxdur.
Əsas xəbərlər
“İstintaq zamanı həkim qeyd edir ki, bir sıra analizlərdən keçən və artıq xəstəxanadan buraxılan zərərçəkmişin həyatı üçün təhlükə yoxdur. Zərərçəkmiş yüngül xəsarətlərlə hərəkət edə bilir, o, elə vəziyyətdə deyil ki, səhhəti pozulsun, hərəkət edə bilməsin. Əgər Qela Xurtsilavanın öldürmək niyyəti olsaydı, o, silahı əvvəlcədən hazırlayardı, lakin silahda güllə patronu yox idi. Qalan zərərçəkmişlərə gəlincə, sanki silahı hamıya tuşlayıb, bu adamların (Xurtsilavaların) hələ, sadəcə üz nahiyələrindəki zədələri görürsünüz. Siz yaxşı bilirsiniz ki, bu qrup nəinki Xurtsilavaların, həm də digər şəxslərin hüquqi vəziyyətini daim ağırlaşdırmağa çalışır”, - vəkil Qiorqi Bardavelidze hakimə müraciət edib.
Hücumda təqsirləndirilən qardaşların ikinci vəkili Levan Martiaşvili “Xurtsilava qardaşlarının çadırdakı insanlar tərəfindən qanunsuz saxlanmasına” cavab tələb edib.
“İnsanlar deyirlər ki, qorxduq, əllərində bıçaq görəndə gedib 8 nəfər 2 nəfəri tərkisilah etdik. Onların dəyənəklə silahlanıb bu qardaşları dəyənəklə döydüklərini heç kim demir. İttiham tərəfi bunu öyrənməkdə maraqlı deyil. Polislərdən heç biri ifadəsində yazmır ki, xəbəri alandan bir saat sonra hadisə yerinə gələndə hər iki qardaşı əlləri bağlı tapıblar. Bu, qeyri-qanuni saxlamadır, dayandırma deyil”, - vəkil bildirib.
Prosesdə təqsirləndirilən Qela Xurtsişvili deyib: “Polislər gələnə qədər mən və qardaşım bağlı idik”.
“Balda Kanyonunda görülən işləri bəyənirəm və mən yenidənqurma tərəfdarıyam, siz yenidənqurma tərəfdarı deyilsiniz, siz qərəzli bir tərəfsiniz və bunu kiminsə maraqları üçün edirsiniz. Ola bilsin ki, bu layihədə işə götürüləcəm, bu xoşdur, amma işləmək istəmirsən və kimsə, gəl etiraz elə və bu layihəni sonlandırsam, sənin payını verəcəm deyir, onlar heç mənəvi cəhətdən də haqlı deyillər.
O, həyat yoldaşını qorumaq, bütün bu qanunsuzluqları edən insanların yanına gəlmək üçün bu addımı atıb. Burada heç bir qətl cəhdi olmayıb.
Məsələnin kəskinləşməsi ancaq ondan irəli gəlir ki, Xurtsilava ailəsinin üzvünə hədə-qorxu gəlməkdə ittiham olunan şəxs və onların arasında belə bir əməli həyata keçirən başqaları da var, indi Xurtsilava qardaşlarından qisas alırlar”, - vəkil Bardavelidze hadisəni belə izah etməyə çalışıb və “Balda Kanyonunun Mühafizəçiləri”nə qarşı əsassız ittihamlar səsləndirib.
Hücumda ittiham olunan Xurtsilava qardaşlarını müdafiə edən hər iki vəkil “Balda Sərmayəçisi” tərəfindən icarəyə götürülüb. Qiorqi Bardavelidze “Balda Kanyonunun Mühafizəçisi” Tsotne Tvaradzenin döyülməsi işində “Kanioni 350” MMC-nin direktoru Qiorqi Merkviladzeni müdafiə edir.
Baldada hücum iyunun 11-də, axşam saatlarında baş verib. Prokurorluğun məlumatına görə, Qela Xurtsilavanın həmkəndlisi 33 yaşlı Mindia Bjalavanı bıçaqla vurduğu, hadisə zamanı 32 yaşlı Arçil Bjalavanın da yaralandığı müəyyən edilib. Həmçinin, müəyyən edilib ki, təqsirləndirilən qardaşlar bıçaq və ov tüfəngi nümayiş etdirərək yerli sakinləri öldürməklə hədələyiblər. İstintaq Cinayət Məcəlləsinin 19-108-ci (qəsdən adam öldürməyə cəhd) və 151-ci (hədə-qorxu) maddələri ilə aparılır. Adam öldürməyə cəhd 15 ilə qədər həbslə cəzalandırılır. Qela Xurtsilavanın həyat yoldaşı Sofio Şakulaşvilini hücumdan əvvəl öldürməkdə ittiham olunan “Balda Kanyonunun Mühafizəçisi” İndiko Bjalava da saxlanılıb. Bjalava müstəntiqin saxta ifadəsi əsasında həbs edilib. “Dağ Xəbərləri” bu işlə bağlı araşdırma materialı hazırlayır və yaxın vaxtlarda dərc edəcək.
Yaralı Mindia Bjalava “Dağ Xəbərləri”na hücumun təfərrüatlarını danışıb:
“İşdən evə təzə gəlmişdim. Eşitdim ki, oğlanlar aşağıda söyürlər və onları öldürmək üçün yuxarıdakı çadıra gedirlər. Bu vaxt iki-üç qonşum çıxdı, mən də maşına mindim və çadıra getdik. Yolda Qela Xurtsilava ilə qarşılaşdıq, o, yoxuşa çatmamış dayandı, yəni yavaşladı, ona siqnal verdik və o, atladı - kimə siqnal verirsən dedi. Heç nə, yol ver, çadıra gedirik, dedim, bizə söydü. Sonra oturub getdi. Çox keçmədi ki, qardaş bizi atla qarşıladı və qışqırdı - onları hara buraxırsan, bizə nalayiq sözlərlə müraciət etdi. Qardaşı silahla çıxdı və sürücüyü nişan alıb çölə çıx dedi. Sürücü də çaşqın idi və hamı, mən də çaşqın idim, adama silah tuşlasalar nə edəsidir. Maia Şavdia bizim maşından düşərək onu sakitləşdirməyə çalışdı. Mən də düşdüm. Telefonu götürdüm, vəziyyəti izah etmək üçün çadırdakı uşaqlara zəng etmək istədim. Qela Xurtsilava qışqırdı, video çəkirsən dedi və
O, düz yanıma gəldi və lüləni mənə tuşladı. Həmin vaxt silahı tutdum, əlindən almaq istədim. Sonra mənə bıçaq dəydi, arxasında imiş, fikir verməmişəm. Bıçağı boğazıma və qulağıma çəkdi. Dava başladı, mənə söyüb, silahı ona verməyimi istəyirdi. Silahı vermədim, ikinci dəfə sinəmdən və əlimdən bıçaqladı.
Qadınlar yaralıdır, yaralıdır deyı qışqırırdılar. Bu zaman bıçaq yenə üç yerimə dəydi. Silahı götürüb hasarın üstündən o yana atdım. Mən arxaya çevriləndə o da arxaya dönüb yenə kürəyimə bıçaq vurub qışqırdı ki, silahı hara apardın? Silahı görməyəndə məni tutdu, boğub, öldürmək istədi. Oğlanlar yetişdilər. Sonra məni xəstəxanaya apardılar”. Mindia Bjalavanın 7 yarası var.
Balda Kanyonu, eləcə də Qorunan Ərazilər Agentliyinin nəzarətində olan bir sıra nadir təbiət abidələr onilliklər müddətinə eyni qrupun mülkiyyətinə keçib. “Dağ Xəbərləri” nin jurnalist araşdırması üzə çıxarıb ki, bu qrupun başında “Gürcü Arzusu” hökumətinin keçmiş və indiki yüksək rütbəli məmurları: Qorunanan Ərazilər Agentliyinin keçmiş sədri Valerian Mçedlidze və Rusiyada gürcü bölməsinin rəhbəri təyin edilən Mamuka Merkviladze dayanır. “Dağ Xəbərləri” araşdırıb ki, bu dəstənin 20, 35 və 40 il qorunan ərazilərə nəhayət sahib çıxması barədə qərarlar Valerian Mçedlidzenin sədrliyi dövründə verilib. Onun istefasından sonra Mçedlidze və onun ailə üzvlərinə daha çox iri səhmlər verilib, bəziləri isə simvolik və güzəştli qiymətlərlə alınıb. Bəzi şirkətlərə ödədiyi pullar, əmlak bəyannaməsinə görə, onda olmamalıdır. Bütün bu korrupsiya sxemindən sonra Valerian Mchedlidze Almaniya dövləti tərəfindən Gürcüstanda qorunan ərazilərin inkişafı üçün maliyyələşdirilən və büdcəsi 16 milyon avrodan çox olan ən böyük layihəyə rəhbərlik edir.
