რუსეთის მიერ ოკუპირებული ცხინვალის რეგიონის დე ფაქტო ხელისუფლებამ რვათვიანი უკანონო პატიმრობის სრულად მოხდის შემდეგ, საქართველოს მოქალაქე, გიორგი ხარაიშვილი ციხიდან გაათავისუფლა.
ახალი ამბები
მკითხველის რჩეული
- 1 რა მოხდა თელავის სასტუმროში, სადაც რუსეთის მოქალაქის ცემის ბრალდებით მამაკაცი დააკავეს
- 2 საპატრულო პოლიციამ შშმ პირს მანქანაში ჩააფსმევინა, შსს-ს 10 ათასის გადახდა დაეკისრა
- 3 283 ქოთანი და 7 კგ გამომშრალი მარიხუანა - დიზაინერ რატი რატიანს 15 წელი მიუსაჯეს
- 4 გაუპატიურება, წამება და დაკარგული ჩვილი - ნატა ვიბლიანის საქმეზე გამოძიება დაიწყო
- 5 ბანკირის ენერგოპროექტი - გოგნის ქარის ელექტროსადგურისთვის კოლხურ ტყეებს გაჩეხავენ
- 6 სოხუმი მასშტაბური ენერგოკოლაფსის მიზეზად ენგურჰესზე მომხდარ ავარიას ასახელებს
46 წლის გიორგი ხარაიშვილი, რომელიც ხაშურის მუნიციპალიტეტის სოფელ კლდისწყაროს მკვიდრია, საოკუპაციო რეჟიმის წარმომადგენლებმა 2025 წლის 5 დეკემბერს დააკავეს.
დე ფაქტო ხელისუფლების ინფორმაციით, ხარაიშვილმა ე.წ. „სახელმწიფო საზღვარი“ განზრახ გადაკვეთა ზნაურის რაიონის ტერიტორიაზე. მას ბრალი რუსეთის ფედერაციის სისხლის სამართლის კოდექსის 322-ე მუხლის პირველი ნაწილით წაუყენეს, რაც „სახელმწიფო საზღვრის უკანონო გადაკვეთას“ გულისხმობს. ზნაურის ე.წ. სასამართლომ ხარაიშვილი დამნაშავედ ცნო და 8 თვით თავისუფლების აღკვეთა მიუსაჯა.
2026 წლის 23 ივლისის მდგომარეობით, დე-ფაქტო რეჟიმის ტყვეობაში საქართველოს 12 მოქალაქე იმყოფებოდა.
„ცენტრალური ხელისუფლება, საერთაშორისო პარტნიორებთან ერთად, განაგრძობს აქტიურ მუშაობას ოკუპირებულ ტერიტორიებზე უკანონო პატიმრობაში მყოფი საქართველოს ყველა მოქალაქის გასათავისუფლებლად“, - აცხადებს სახელმწიფო უსაფრთხოების სამსახური.
თავის მხრივ, დე ფაქტო სამხრეთ ოსეთის ე.წ. სახელმწიფო უსაფრთხოების კომიტეტი გათავისუფლების შესახებ გავრცელებულ განცხადებაში კიდევ ერთხელ იძლევა გაფრთხილებას. მათი მტკიცებით, ე.წ. „სახელმწიფო საზღვრის“ ყველა შესაძლო მიმართულება მათი სასაზღვრო ძალების კონტროლის ზონასა და ზემოქმედების სექტორში იმყოფება.
