აზერბაიჯანის პრეზიდენტმა, ილჰამ ალიევმა ბაქოში ნატოს დელეგაციას უმასპინძლა, რა დროსაც განაცხადა, რომ აზერბაიჯანის ჯარი ალიანსის სტანდარტებთან შესაბამისობაში მოდის და ამ კონტექსტში მჭიდროდ თანამშრომლობს თურქეთთან.
ახალი ამბები
მკითხველის რჩეული
- 1 სტრასბურგის სასამართლომ გელა მთივლიშვილის საქმის არსებითი განხილვა დაიწყო
- 2 კობახიძე: სასურველი არ არის, მოსწავლემ პირველივე კურსიდან უცხოეთში განაგრძოს სწავლა
- 3 დააკავეს „ქართული ოცნების“ მხარდამჭერი მანანა გიორგობიანი
- 4 ბერლინში მოკლული ზელიმხან ხანგოშვილის ძმას და ნათესავებს გერმანია დაატოვებინეს
- 5 ღარიბაშვილის, ლილუაშვილის და ფარცხალაძის სახლებში ჩხრეკა ჩატარდა
- 6 დააკავეს სუს-ის ყოფილი უფროსის, გრიგოლ ლილუაშვილის ნათესავი ანდრია ლილუაშვილი
ალიევის თქმით, აზერბაიჯანმა მიაღწია გასული საუკუნის დასაწყისში დამოუკიდებლობის მოპოვების მომენტიდან დასახულ მთავარ მიზანს - საკუთარი მიწების „ოკუპაციისგან განთავისუფლებას“.
„აზერბაიჯანის არმიის მოდერნიზაციის პროცესი გაგრძელდება“ - განაცხადა ილჰამ ალიევმა.
მან ხაზგასმით აღინიშნა, რომ აზერბაიჯანი ნატოსთვის ღირებული პარტნიორია. ალიევის თქმით, ძალიან დადებითად იქნა შეფასებული აზერბაიჯანის შეიარაღებული ძალების მიღწევები ავღანეთში, „მტკიცე მხარდაჭერის“ ოპერაციის ფარგლებში და ამ კონტექსტში, აზერბაიჯანის, როგორც რეგიონული სატრანსპორტო და ლოჯისტიკური ცენტრის, წვლილი.
„ჩვენი სამშვიდობოები ბოლო სამხედრო მოსამსახურეები იყვნენ, რომლებმაც ავღანეთი დატოვეს“, - განაცხადა ილჰამ ალიევმა.
როგორც მან აღნიშნა, აზერბაიჯანი-ნატოს თანამშრომლობის მნიშვნელოვანი ნაწილი ავღანეთში ოპერაციების მხარდაჭერა იყო, თუმცა, დღის წესრიგში ასევე დგას აზერბაიჯანის თანამშრომლობა ალიანსთან რეგიონული განვითარების, ენერგეტიკული უსაფრთხოებისა და სხვა სფეროებში.
შეხბვედრაში მონაწილეობდნენ ნატოში თურქეთის, საბერძნეთის, უნგრეთის, მონტენეგროს, ნიდერლანდების, ჩრდილოეთ მაკედონიის, ნორვეგიის, სლოვაკეთის, სლოვენიის, შვედეთის, ჩეხეთის, პორტუგალიისა და ესპანეთის მუდმივი წარმომადგენლები, ასევე აშშ-ისა და საფრანგეთის მუდმივი წარმომადგენლების მოადგილეები.
