ოკუპირებული აფხაზეთის დე ფაქტო პრეზიდენტმა, ასლან ბჟანიამ განაცხადა, რომ მზად არის თანამდებობიდან გადადგეს მას შემდეგ, რაც ოპოზიცია „სამთავრობო შენობებს“ - ე.წ. პარლამენტსა და პრეზიდენტის ადმინისტრაციას გაათავისუფლებს.
ახალი ამბები
მკითხველის რჩეული
- 1 კობახიძე-მდინარაძის დროს მომხდარ თვითმკვლელობებზე კითხვები რჩება - ღარიბაშვილი
- 2 აფხაზი ბლოგერი დაურ ბუავა თბილისში გარდაცვლილი იპოვეს
- 3 აფხაზი ბლოგერის დაურ ბუავას გარდაცვალების ფაქტზე უცხო ქვეყნის მოქალაქე ქალი დააკავეს
- 4 სამხედრო გაწვევის უწყება ვებგვერდზე გამოქვეყნდება და ჩაბარებულად ჩაითვლება
- 5 ივანიშვილის გინების შემდეგ, გიორგი კირვალიძეს საპროცესო შეთანხმება გაუუქმეს
- 6 მიმავალ ადამიანს ხშირად ზედმეტად აწუხებენ სამედიცინო საშუალებებით - პატრიარქი
ბჟანიამ გადადგომის პირობები დაასახელა სოფელ ტამიშის სკოლაში, სადაც მხარდამჭერებს შეხვდა. მისი თქმით, „კანონიერად არჩეული პრეზიდენტი“ აფხაზეთში რჩება და არ განმეორდება 2014 წლის სცენარი, როდესაც დემონსტრაციების შემდეგ მაშინდელი ე.წ. პრეზიდენტი ალექსანდრ ანქვაბი გადადგა.
„უზარმაზარი ზეწოლაა დეპუტატებზე, რათა მიიღონ უკანონო გადაწყვეტილება პრეზიდენტის გადადგომის შესახებ. ჯერ ერთი, ასეთი გადაწყვეტილება არ იქნება მიღებული, მეორე - რომც მიიღონ, არ შესრულდება.
არ მინდა, შეგექმნათ შთაბეჭდილება, რომ ძალაუფლებას ვებღაუჭები, მაგრამ, თუ ჩვენ კონსტიტუციას არ დავიცავთ, ქვეყანა ვერ გაუძლებს. ამიტომ, იმათ, ვინც დაიკავა პარლამენტის შენობა, ვინც სცადა სახელმწიფო გადატრიალების მოწყობა, ის უნდა გაათავისუფლოს. ამის შემდეგ მზად ვარ, გადავდგე და მანამდე ქვეყანას ვიცე პრეზიდენტი მართავს და დავნიშნო არჩევნები. დაე, ხალხმა თქვას, ვის უჭერს მხარს“, -თქვა ასლან ბჟანიამ.
დე ფაქტო პარლამენტის შენობასთან მეორე დღეა ოპოზიცია და მათი მხარდამჭერები აქციას მართავენ ე.წ. პრეზიდენტის გადადგომის მოთხოვნით. მათ ბჟანიას პირობები უარყვეს და განაცხადეს, რომ მისი გადადგომის მოთხოვნა ძალაში რჩება. 
მომიტინგეებმა დე ფაქტო შინაგან საქმეთა სამინისტროს, სახელმწიფო უსაფრთხოების სამსახურის და „აფხაზეთის ტელევიზიის“ ხელმძღვანელების გადადგომაც მოითხოვეს.
