ოკუპირებულ გალში, მდინარე ენგურში, 6 დღის წინ გაუჩინარებული 28 წლის ნათია ბახტაძის გვამს ეძებენ. აფხაზეთის დე ფაქტო პროკურატურამ ბახტაძის მკვლელობის ფაქტი დაადასტურა და მომხდარზე სისხლის სამართლის საქმე აღძრა.
ახალი ამბები
მკითხველის რჩეული
- 1 რუსეთის 2 361 მოქალაქეს მიანიჭეს საქართველოს მოქალაქეობა 2024 წელს
- 2 კობახიძე რუსეთის ხსენების გარეშე 9 აპრილზე პასუხისმგებლად „უცხოურ ძალას“ აცხადებს
- 3 უნდა შევძლოთ გადარჩენა და ევროპული მომავლისთვის მუშაობა - ამაღლობელი ციხიდან
- 4 ბრიტანეთმა ადამიანის უფლებების დარღვევის გამო „ოცნების“ 4 მაღალჩინოსანი დაასანქცირა
- 5 პრორუსული „ალტ-ინფო“ აცხადებს, რომ თვითმმართველობის არჩევნებში მონაწილეობას მიიღებს
- 6 მერაბ ტურავა „ქართული ოცნების“ მთავრობაში იუსტიციის მინისტრის მოადგილედ დაინიშნა
უწყების ცნობით, ბახტაძის განზრახ მკვლელობის ბრალდებით დაკავებულია 1998 წელს დაბადებული, ოჩამჩირეში მცხოვრები აინარ ცვიჟბა. დე ფაქტო პროკურატურის ინფორმაციით, ეჭვმიტანილმა ქალი Lexus GX-ის ავტომობილის სამგზავრო განყოფილებაში მოკლა და ცხედარი მდინარე ენგურში, „ვარდნილჰესი 3“-თან გადააგდო. დაკავებული დანაშაულს აღიარებს.
გამოძიება აფხაზეთის ე.წ. სისხლის სამართლის კოდექსის 99-ე მუხლით მიმდინარეობს, რაც 6-დან 12 წლამდე თავისუფლების აღკვეთას ითვალისწინებს. ამ ეტაპზე, დე ფაქტო პროკურატურა დანაშულის მოტივს არ აკონკრეტებს.
ნათია ბახტაძე, რომელიც გალის ერთ-ერთ სკოლაში რუსული ენისა და ლიტერატურის მასწავლებლად მუშაობდა, 28 ივლისს გაუჩინარდა. მისმა დედამ, იამზ აგუმავამ ე.წ. პრეზიდენტ ასლან ბჟანიამ შვილის მოძებნაში დახმარება საჯაროდ სთხოვა სთხოვა. გუშინ გავრცელდა ინფორმაცია, რომ ნათია ბახტაძის ცხედარი იპოვეს, რაც არ დადასტურდა.
