გამოცემა „ბათუმელების“ და „ნეტგაზეთის“ დირექტორი მზია ამაღლობელი ბათუმში, აჭარის პოლიციის მთავარ სამმართველოსთან აქციაზე დაკავებიდან ორ საათში ხელწერილით გაათავისუფლეს, თუმცა მალევე ხელახლა დააკავეს. მასთან ამ დრომდე არ უშვებენ ადვოკატს.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
შინაგან საქმეთა სამინისტროს თანამშრომლებმა 11 იანვარს, ბათუმში გამართულ აქციაზე სულ 10 ადამიანი დააკავეს. დაკავებამდე მზია ამაღლობელმა პოლიციასთან კედელზე გააკრა პლაკატი, რომელსაც „იფიცება საქართველო“ ეწერა. მოგვიანებით ოთხი დაკავებული ხელწერილით გაათავისუფლეს, თუმცა მზია ამაღლობელი რამდენიმე წუთში ხელმეორედ დააკავეს - რა საფუძვლით, უცნობია.
დაკავებულია კიდევ ორი მამაკაცი.
თბილისში, შინაგან საქმეთა სამინისტროს შენობასთან მედიის წარმომადგენლებმა აქცია გამართეს და მზია ამაღლობელის დაუყოვნებლივ გათავისუფლება მოითხოვეს. შსს-ს ამ და დაკავების სხვა 11 შემთხვევასთან დაკავშირებით განცხადება არ გაუვრცელებია.
დაკავებულთა შორის არიან კოალიცია „ძლიერი საქართველოს“ წევრი და ბათუმის საკრებულოს დეპუტატი ვაჟა დარჩია, ასევე სტუდენტი მათე ცენტერაძე.
