ბათუმის ბულვარში მომხდარ ფაქტზე, რის შედეგადაც ბატუტზე მყოფი 9 წლის ბავშვი დაიღუპა, მისი 3 წლის ძმა კი დაშავდა, პოლიციამ ერთი ადამიანი დააკავა. შინაგან საქმეთა სამინისტროს ინფორმაციით, დაკავებულია 65 წლის მამაკაცი, რომელიც ბატუტის უსაფრთხოებასა და ექსპლუატაციის წესების დაცვაზე იყო პასუხისმგებელი.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
12 მარტს, გვიან ღამით, ბულვარში მდებარე ბატუტი გადაბრუნდა, რა დროსაც კონსტრუქციაზე ორი ბავშვი იმყოფებოდა. 9 წლის ბიჭი საავადმყოფოში გადაყვანის შემდეგ გარდაიცვალა. მეორე დაშავებულის მდგომარეობა მძიმეა და ის რეანიმაციულ განყოფილებაში რჩება.
„საგამოძიებო მოქმედებების შედეგად დადგინდა, რომ ბრალდებული პასუხისმგებელი იყო ბულვარში განთავსებული აღნიშნული ე.წ. ბატუტის უსაფრთხოებასა და ექსპლუატაციის წესების დაცვაზე, თუმცა მან დაკისრებული ვალდებულებების შესრულება ვერ უზრუნველყო“, - განაცხადეს შინაგან საქმეთა სამინისტროში.
საქმეზე გამოძიება სისხლის სამართლის კოდექსის 240-ე მუხლის მეორე ნაწილით მიმდინარეობს, რაც გულისხმობს უსაფრთხოების წესის დარღვევას, რამაც ადამიანის სიცოცხლის მოსპობა გამოიწვია. დანაშაული ისჯება შინაპატიმრობით ვადით ექვსი თვიდან ორ წლამდე ანდა თავისუფლების აღკვეთით ვადით ორიდან ხუთ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ.
