ბათუმში, აჭარის პოლიციის მთავარ სამმართველოსთან მიმდინარე საპროტესტო აქციაზე ონლაინ გამოცემა „ბათუმელებისა“ და „ნეტგაზეთის“ დამფუძნებელი და დირექტორი მზია ამაღლობელი დააკავეს.
ახალი ამბები
მკითხველის რჩეული
- 1 ირლანდიიდან საქართველოს 32 მოქალაქის დეპორტაცია განხორციელდა
- 2 პროკურორი ბაჩიაშვილის ქვეყნიდან წასვლაზე: „აუცილებლად დაიწყება გამოძიება“
- 3 მაკრონმა უკრაინაში ცეცხლის ნაწილობრივ შეწყვეტის ერთთვიან გეგმაზე ისაუბრა
- 4 რუსეთის დაზვერვა: EU საქართველოში აქციის მონაწილეებს დღიურად 120 ევროს გადაუხდის
- 5 მზია ამაღლობელს კლინიკიდან პენიტენციურ დაწესებულებაში დღეს დააბრუნებენ
- 6 ესტონეთში შესვლა საქართველოს კიდევ 55 მოქალაქეს აეკრძალა - სია
„ბათუმელების“ ინფორმაციით, პოლიციელებმა ამაღლობელი დააკავეს კედელზე პლაკატის - წარწერით „იფიცება საქართველო“ - გაკვრის გამო.
„ერთხელ ასლან აბაშიძემ დაგვაკავა მე და მზია ამაღლობელი და როგორც კი გაიგეს, რომ ჟურნალისტები ვიყავით, ნახევარ საათში გაგვათავისუფლეს. სხვა ასეთი პრეცედენტი არ მახსოვს. როგორც ჩანს, ახლა შევდივართ ისეთ ფაზაში, რომელიც ჯერ არ ყოფილა ამ ქვეყანაში.
ეს არის ის, რასაც ვკითხულობდით რუსულ მედიაში, რასაც ვისმენდით ჩვენი რუსი კოლეგებისგან, როგორ იდევნებოდნენ, როგორ ახშობდნენ ყველაფერს, რაც თავისუფლებასთან იყო დაკავშირებული“, - განაცხადა ეთერ თურაძემ, „ბათუმელების“ რედაქტორმა.
საპროტესტო აქციაზე ადმინისტრაციული წესით ათამდე ადამიანია დაკავებული. თავდაპირველად, შინაგან საქმეთა სამინისტროს თანამშრომლებმა საპროტესტო მსვლელობის ერთ-ერთი მონაწილე დააკავეს და მთავარ სამმართველოში გადაიყვანეს. დანარჩენ დაკავებულებს შორის ისინი არიან, ვინც აქტივისტის გათავისუფლების მოთხოვნით პოლიციასთან შეიკრიბნენ. არსებული ინფორმაციით, მათი დაკავების საბაბი ასფალტზე პლაკატის გაკვრა გახდა.
აჭარის პოლიციის მთავარი სამმართველოს შენობასთან საპროტესტო აქცია ამ დრომდე გრძელდება.
