„მაპატიეთ ქართველებო, მაგრამ ამას ვიტყვი: ბიძინა [ივანიშვილი] და ევროკავშირში გაწევრიანება შეუთავსებელია“, - განაცხადა ლიეტუველმა ევროპარლამენტარმა რასა იუკნევიჩიანემ თბილისში მიმდინარე საერთაშორისო კონფერენციაზე („გარდამტეხი წელი“) გამოსვლისას.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
იუკნევიჩიანემ ევროკავშირის გაფართოებაზე ისაუბრა და აღნიშნა, რომ ქვეყნის „დებიძინიზაციის“ გარეშე საქართველოსთვის ვერ ხედავს რაიმე შესაძლებლობას, გახდეს ევროკავშირის წევრი, მიუხედავად იმისა, რომ მომწონს ის, თუ რას ფიქრობს ქართველი ხალხი გაწევრიანებაზე.
„საქართველოსთვის კანდიდატის სტატუსის მინიჭება არ იყო ევროკავშირის მხრიდან დამსახურებაზე დაფუძნებული საკითხი ან გადაწყვეტილება. ეს უფრო იყო ქართველი ხალხის წახალისება, არ დანებდნენ, ევროკავშირის მხრიდან იმის თქმა, რომ ჩვენ ერთად ვართ“, - განაცხადა ევროპარლამენტარმა.
რასა იუკნევიჩიანეს თქმით, თუ საქართველოში სიტუაცია კიდევ უფრო გაუარესდება, არ არის გამორიცხული, გადაიხედოს უვიზო მიმოსვლის საკითხი.
„ეს რთული იქნება, მაგრამ პირადად მე დავიწყე ამაზე ფიქრი, რატომ არ დავიწყოთ ამაზე მსჯელობა… საქართველო ლიდერობდა რეფორმებში, ყველაფერში. ეს იყო მართლაც საოცრად ძალიან კარგი, ძალიან ნაყოფიერი პოლიტიკა. ახლა სომხეთი ამ რეგიონში უფრო წინაა, ვიდრე საქართველო. ასე ვაფასებთ გარედან სამხრეთ კავკასიაში არსებულ ვითარებას“, - თქვა ევროპარლამენტარმა.
როგორც მან აღნიშნა 26 ოქტომბრის საპარლამენტო არჩევნებზე ქართველ ხალხს მხოლოდ ორი არჩევანი აქვს - ევროპული ცხოვრების წესი თუ რუსული სამყარო (Русский мир): „სხვა არჩევანი არ არსებობს. როდესაც ისინი („ქართული ოცნების“ წარმომადგენლები) საუბრობენ რაღაც სუვერენიტეტზე, ეს ზუსტად კრემლის ნარატივია. ძალიან მომწონს ამერიკული ანდაზა - „თუ ის იხვს ჰგავს, იხვივით ცურავს და იხვივით ყიყინებს, მაშინ ის ალბათ იხვია“. არ მისცეთ ხმა Русский мир-ს და ეს იქნება ევროკავშირისა და ნატოს წევრობა“.
რასა იუკნევიჩიანე ევროპარლამენტში ყველაზე დიდი ჯგუფის, ევროპის სახალხო პარტიის წევრია.
