„ქართული ოცნების“ პრემიერ-მინისტრის, ირაკლი კობახიძის განკარგულებით, დასავლეთ საქართველოში დიდთოვლობის დროს, „სტიქიასთან ბრძოლაში აქტიურად ჩართულ“ ზოგიერთ სამინისტროში, მათ დაქვემდებარებაში არსებულ დაწესებულებებსა და მუნიციპალიტეტების ორგანოებში დასაქმებულებზე ფულადი ჯილდო/დანამატი გაიცემა. ამ მიზნით სარეზერვო ფონდიდან ჯამში 3 მილიონი ლარი გამოიყოფა.
ახალი ამბები
მკითხველის რჩეული
- 1 კობახიძე მაღაროელების პროტესტზე: რთულია კერძო ბიზნესს ხელფასების გადახდა მოსთხოვო
- 2 ენმ: გენერლები გოგავა და ყურაშვილი რუსულ კომისიაზე პარტიული აფილიაციის გარეშე წარდგებიან
- 3 პროკურორი ბაჩიაშვილის ქვეყნიდან წასვლაზე: „აუცილებლად დაიწყება გამოძიება“
- 4 რატომ შეხვდა აშშ-ის ელჩი „ქართული ოცნების“ საგარეო საქმეთა მინისტრს
- 5 კობახიძე: აქედანვე შემიძლია გითხრათ, რომ თვითმმართველობის არჩევნებს მოვიგებთ
- 6 საიამ არჩევნებზე ფარულობის მასობრივ დარღვევაზე სტრასბურგის სასამართლოს მიმართა
კობახიძის განკარგულების მიხედვით, აღნიშნული თანხა შემდეგნაირად გადანაწილდება:
- საქართველოს შინაგან საქმეთა სამინისტრო – 892 445 ლარი;
- ჯანდაცვის სამინისტრო – 697 226 ლარი;
- თავდაცვის სამინისტრო – 585 770 ლარი;
- რეგიონული განვითარებისა და ინფრასტრუქტურის სამინისტრო – 113 563 ლარი;
- გარემოს დაცვისა და სოფლის მეურნეობის სამინისტრო – 79 409 ლარი;
- ოზურგეთის მუნიციპალიტეტი– 253 372 ლარი;
- ლანჩხუთის მუნიციპალიტეტი – 96 623 ლარი;
- ვანის მუნიციპალიტეტი – 95 000 ლარი;
- ზესტაფონის მუნიციპალიტეტი – 77 037 ლარი;
- ჩოხატაურის მუნიციპალიტეტი – 76 288 ლარი;
- ბაღდათის მუნიციპალიტეტი – 53 550 ლარი;
- ჭიათურის მუნიციპალიტეტი – 45 573 ლარი;
- თერჯოლის მუნიციპალიტეტი – 40 158 ლარი;
- ტყიბულის მუნიციპალიტეტი – 37 000 ლარი;
- ხონის მუნიციპალიტეტი – 18 668 ლარი.
თებერვლის ბოლოს დიდთოვლობამ დასავლეთ საქართველოში განსაკუთრებით გურია დააზარალა, სადაც თოვლის საფარმა ორ მეტრს მიაღწია და ათობით სოფელი გარესამყაროს მოწყვიტა.
მოსახლეობის დასახმარებლად რეგიონში მოხალისეები ჩავიდნენ, შეიქმნა საქვემლოქმედო ფონდებიც, რის შემდეგაც „ქართულმა ოცნებამ“ სტიქიით დაზარალებულების დახმარების პროცესში თავდაცვის ძალების ჩართვის გადაწყვეტილება მიიღო. შინაგან საქმეთა სამინისტროს ინფორმაციით, სამაშველო სამუშაოებში საგანგებო სიტუაციების მართვის სამსახურის 600-მდე მეხანძრე-მაშველი მონაწილეობდა.
