ქვემო ქართლის პოლიციის დეპარტამენტის თანამშრომლებმა 43 წლის ქალის განზრახ მკვლელობის ბრალდებით მისი ქმარი დააკავეს. შინაგან საქმეთა სამინისტროს ინფორმაციით, ბრალდებული 1970 წელს დაბადებული, წარსულში ნასამართლევი ი.გ.-ია.
ახალი ამბები
მკითხველის რჩეული
- 1 6 წელზე ძველი მანქანების იმპორტი აღარ აიკრძალება - განბაჟების ტარიფი 6-ჯერ იზრდება
- 2 კობახიძე ეთნიკური ქართველებისთვის მოქალაქეობის მიღების გამარტივებას აანონსებს
- 3 მზია ამაღლობელის მესამე სარჩელი სტრასბურგში პოლიციის მხრიდან სასტიკ მოპყრობას ეხება
- 4 კობახიძე სტამბოლის კონვენციიდან შესაძლო გასვლაზე - მზად ვართ, ამ საკითხზე ვიმუშაოთ
- 5 მსოფლიო პატრიარქი ბართლომეოსი ილია II-ის დაკრძალვაზე ჩამოვა
- 6 საქართველო ევროპაში ბოლო ადგილზეა: პენსია ძირითადი ხარჯების მხოლოდ 22%-ს ფარავს
„გამოძიებით დადგინდა, რომ ბრალდებულმა მიმდინარე წლის 27 იანვარს, დმანისის მუნიციპალიტეტის ერთ-ერთ სოფელში, ცივი იარაღის გამოყენებით დაჭრა მეუღლე - 1983 წელს დაბადებული ე.ა. ბრალდებული თავად შეეცადა დაჭრილი კლინიკაში გადაეყვანა თუმცა, მიღებული დაზიანებების შედეგად ე.ა. გარდაიცვალა“, - განაცხადეს შინაგან საქმეთა სამინისტროში.
უწყების ცნობით, ბრალდებული პოლიციაში თავად გამოცხადდა და დანაშაული აღიარა. დანაშაულის ჩადენის იარაღი - დანა ნივთმტკიცებად არის ამოღებული.
დაკავებულს ბრალი სისხლის სამართლის კოდექსის 11 პრიმა 109-ე მუხლის „კ“ ქვეპუნქტით წარედგინება, რაც ოჯახის წევრის მიმართ ჩადენილი განზრახ მკვლელობად გულისხმობს. დანაშაული 20 წლამდე ან უვადო თავისუფლების აღკვეთას ითვალისწინებს.
