დუშეთის მუნიციპალიტეტის სოფელ ბაგაში მომხდარი განსაკუთრებული სისასტიკით ჩადენილი მკვლელობის ფაქტზე პოლიციამ ორი პირი დააკავა. გამოძიების ინფორმაციით, წარსულში ნასამართლევმა, 41 წლის ა.წ.-მ და 35 წლის ტ.ვ.-მ შურისძიების მოტივით, ცეცხლსასროლი იარაღით სასიკვდილო ჭრილობები მიაყენეს 41 წლის მიშო ჩოხელს.
ახალი ამბები
მკითხველის რჩეული
- 1 ნარკოტიკების ზედოზირებას თბილისში კიდევ 3 ახალგაზრდა ემსხვერპლა
- 2 ვლადიკავკაზში ქორწილის მონაწილეები საქართველოს დროშების გამოყენებისთვის დააპატიმრეს
- 3 ქართველი სამხედრო მფრინავი ზვიად ბექაური დაიღუპა კონგოს დემოკრატიულ რესპუბლიკაში
- 4 პანკისში მალხაზ მაჩალიკაშვილის ავტომობილი დააზიანეს
- 5 „სიკვდილი ამერიკას, სიკვდილი ისრაელს“ - ფონიჭალის მეჩეთმა მოჯთაბა ხამენეის მიმართვა გააზიარა
- 6 მოქალაქე თიანეთის პოლიციას სექსუალური ხასიათის მუქარასა და ძალადობაში ადანაშაულებს
შემთხვევა 10 მარტს, ღამით მოხდა. გამოძიებით დადგინდა, რომ ბრალდებულები დაზარალებულს საკუთარ საცხოვრებელ სახლში დაადგნენ თავზე და მეუღლის თანდასწრებით ჩაცხრილეს. მიღებული დაზიანებების შედეგად კაცი ადგილზე გარდაიცვალა. პროკურატურის განმარტებით, თავდამსხმელებმა საფრთხე შეუქმნეს შემთხვევის ადგილზე მყოფი გარდაცვლილის მეუღლის სიცოცხლესა და ჯანმრთელობასაც.
ადგილობრივების ცნობით, ბრალდებულები და მოკლული მეგობრები იყვნენ, თუმცა მათ შორის წარსულში არსებული კონფლიქტის გამო, თავდამსხმელებმა ჩოხელი მძინარე მდგომარეობაში ჩაცხრილეს. მათივე ინფორმაციით, ერთ-ერთი ბრალდებული სასჯელაღსრულების დაწესებულებიდან ახალი გამოსულია და ის წარსულშიც მკვლელობისთვის იყო ნასამართლევი.
მათ ბრალი საქართველოს სისხლის სამართლის კოდექსის 109-ე მუხლით აქვთ წარდგენილი, რაც გულისხმობს განზრახ მკვლელობას ჯგუფურად, განსაკუთრებული სისასტიკით, ისეთი საშუალებით, რაც საფრთხეს უქმნის სხვის სიცოცხლესა და ჯანმრთელობას.
ბრალდება სასჯელის სახედ და ზომად 20 წლამდე ან უვადო თავისუფლების აღკვეთას ითვალისწინებს.
