2025 წელს ევროკავშირის წევრი სახელმწიფოებიდან სამშობლოში საქართველოს 10 475 მოქალაქე დააბრუნეს. „ევროსტატის“ (Eurostat) მიერ გამოქვეყნებული მონაცემების მიხედვით, ამ მაჩვენებლით საქართველო მხოლოდ თურქეთს (13 405 მოქალაქე) ჩამორჩება და უსწრებს ისეთ ქვეყნებს, როგორებიცაა: სირია (8 370), ალბანეთი (8 020), რუსეთი (5 725), მოლდოვა (5 005), კოლუმბია (4 685), მაროკო (4 515), ინდოეთი (3 935) და სხვა.
ახალი ამბები
მკითხველის რჩეული
- 1 სამხარაძე: არაბმა პარტნიორებმა ინვესტიციების წინააღმდეგ კამპანიაზე რეაგირება გვთხოვეს
- 2 აბასთუმნის თავზე ფრენა აიკრძალა - რატომ ჩაკეტა სახელმწიფომ ცა იქ, სადაც ივანიშვილი ცხოვრობს
- 3 პოლონეთში 5 თვის ჩვილის გარდაცვალების საქმეზე ნუგზარ ქავთარაშვილს ეძებენ
- 4 დღეიდან საგზაო მოძრაობის წესების დარღვევაზე ჯარიმები გაიზარდა
- 5 ცოტნე ივანიშვილი: ვგმობ ძალადობას, ეს ყველაფერი ასე არ უნდა მომხდარიყო
- 6 თავდაცვის ყოფილ მინისტრს 10 წლით პატიმრობა მიესაჯა
გასულ წელს ევროკავშირიდან მესამე ქვეყნების მოქალაქეების საკუთარ ქვეყანაში დაბრუნების მაჩვენებელი საგრძნობლად, 20.9%-ით გაიზარდა. თუ 2024 წელს ეს რიცხვი 112 040-ს შეადგენდა, 2025 წელს 135 460 შეადგინა.
ევროკავშირის წევრ სახელმწიფოებს შორის მესამე ქვეყნების მოქალაქეთა გაძევების მაჩვენებლით გერმანია ლიდერობს (29 295 მოქალაქე). მას მოსდევს საფრანგეთი (14 940) და შვედეთი (11 250).
ამავე პერიოდში ევროკავშირში თავშესაფარი პირველად მოითხოვა 12 505-მა ქართველმა, რომელთაგან 1 920 ბავშვი იყო. საქართველოს მოქალაქეები ყველაზე ხშირად თავშესაფარს საფრანგეთში, იტალიაში, ბელგიაში, ირლანდიასა და საბერძნეთში ითხოვენ.
გარდა ამისა, სტატისტიკის თანახმად, 2025 წელს ევროკავშირში შესვლაზე უარი ეთქვა საქართველოს 4 785 მოქალაქეს.
