კოალიცია „ცვლილებისთვის“ წევრმა, პარლამენტის ყოფილმა დეპუტატმა, გედევან ფოფხაძემ განაცხადა, რომ პოლიპატიმრების გათავისუფლებისა და ახალი, სამართლიანი საპარლამენტო არჩევნების დანიშვნის მოთხოვნით, პარლამენტთან შიმშილობის აქციას იწყებენ.
ახალი ამბები
მკითხველის რჩეული
- 1 სტრასბურგის სასამართლომ გელა მთივლიშვილის საქმის არსებითი განხილვა დაიწყო
- 2 გლდანის ციხის ყოფილი დირექტორი დავით გოგობერიშვილი გარდაცვლილი იპოვეს
- 3 კობახიძე: სასურველი არ არის, მოსწავლემ პირველივე კურსიდან უცხოეთში განაგრძოს სწავლა
- 4 ბერლინში მოკლული ზელიმხან ხანგოშვილის ძმას და ნათესავებს გერმანია დაატოვებინეს
- 5 ღარიბაშვილის, ლილუაშვილის და ფარცხალაძის სახლებში ჩხრეკა ჩატარდა
- 6 4 ოქტომბრის საქმეზე დაკავებული 13 პირის ვინაობა ცნობილია
ფოფხაძის თქმით, დღეს, „ქართული ოცნების“ ხელისუფლება ყველანაირ ლეგიტიმურ პროტესტს რეპრესიას უპირისპირებს, რის გამოც გადაწყვიტეს, რადიკალურ ფორმას მიმართონ.
„შეიქმნა ისეთი რეალობა, როდესაც პროტესტის მონაწილეებს ყოველდღიურად იჭერენ. ქვეყანა დიდი ნაბიჯებით მიდის დიქტატურისკენ, ერთადერთი, რაც ამ პროცესს შეაჩერებს არის პროტესტის ახალი ფორმა. თუ ჩვენ არ შევთანხმდებით იმაზე, რომ ქვეყანაში არ უნდა იყოს გაყალბებული არჩევნებით არჩეული პარლამენტი და პოლიტპატიმრები, ქვეყანა ვერ განვითარდება.
ქუჩის გადაკეტვა არ არის პროტესტის ერთადერთი ფორმა, რომელიც უნდა გამოვიყენოთ. შიმშილობით უნდა მოვახდინოთ პროტესტის ახალი კერის გაჩენა. რასაც ხელისუფლება რუსთაველის გამზირის გადაკეტვის გამო აკეთებს, მიმაჩნია, ამას უნდა დავუპირისპიროთ პროტესტის ახალი ფორმა. ეს არ არის რადიკალურად ახალი ფორმა, მაგრამ არის ეფექტური. ჩემი აზრით, ამ ვითარებაში ადეკვატურია იმ ვითარებიდან გამომდინარე, რაც ხელისუფლებამ შექმნა“, – განაცხადა გედევან ფოფხაძემ.
მასთან ერთად შიმშილობა გამოაცხადეს დარეჯან ცხვიტარიამ და კიდევ რამდენიმე აქტივისტმა. ცხვიტარიას თქმით, შიმშილობის დაწყებას გაცილებით მეტი ადამიანი აპირებდა, თუმცა, ისინი დააკავეს.
„ძალიან ბევრი ვიყავით სიაში და ამ სიიდან 10 თუ 15 ადამიანი დაკავებულია. ვფიქრობ, რომ ახლა რუსთაველის გადაკეტვა იმდენად მნიშვნელოვანი არ არის, რამდენადაც პროტესტის გაგრძელება. ყოველდღე, რუსთაველის გადაკეტვით, ადამიანი ციხეებს ავსებენ და ეს შედეგზე ორიენტირებული არ არის“, – აღნიშნა დარეჯან ცხვიტარიამ.
