გონიოში, 26-სართულიანი საცხოვრებელი კომპლექსის მშენებლობაზე დასაქმებული 30 წლის ოთარ დეკანაძე, რომელიც ხარაჩოების ჩამონგრევის შედეგად სიმაღლიდან ჩამოვარდა და მძიმედ დაშავდა, კლინიკაში გარდაიცვალა.
ახალი ამბები
მკითხველის რჩეული
- 1 „რეპრესიები რეორგანიზაციის სახელით“ - თელავის უნივერსიტეტიდან 5 პროფესორი გაათავისუფლეს
- 2 რიჟვაძის საქმეზე საზღვაო ტრანსპორტის სააგენტოს დირექტორი ალექსი ახვლედიანი დააკავეს
- 3 მზია ამაღლობელს ერთ თვალში მხედველობა 10 %-მდე შეუმცირდა, მეორეში - 0,04 %-ია - ადვოკატი
- 4 პაპუაშვილი არჩევნებზე წალენჯიხის მერიის განცხადებას „საბოტაჟს“ უწოდებს
- 5 სტიკერის გაკვრაზე მზია ამაღლობელი მეორედ გაასამართლეს და 1000 ლარით დააჯარიმეს
- 6 მანდატურზე თავდასხმის ბრალდებით დააკავეს აქტივისტი ნინო დათაშვილი
შემთხვევა გუშინ, 17 ივლისს მოხდა. გავრცელებული ინფორმაციით, ახალგაზრდა მამაკაცი 25-ე სართულიდან ჩამოვარდა. მისი ჯანმრთელობის მდგომარეობა კრიტიკულად მძიმე იყო.
გონიოში Radisson Blu-ს საცხოვრებელ და საინვესტიციო კომპლექსს დეველოპერული კომპანია „ნექსთი“ აშენებს. შპს „ნექსთ გონიო+“-ის იურისტმა, ვახტანგ გედენიძემ კომპანიის მხრიდან უსაფრთხოების წესების დარღვევა უარყო და თქვა, რომ სამუშაოებს კონტრაქტორი ასრულებდა.
„26-სართულიანი შენობა უკვე დასრულებულია. თუ არ ვცდები, 6 ივნისის შემდგომ ხდება ხარაჩოების აწყობა, რომელსაც ახორციელებდა კონტაქტორი. მოხდა ხარაჩოს ჩამოშლა, რამ გამოიწვია, ჯერჯერობით უცნობია. სამუშაოს ოთხი პირი ასრულებდა“, – განაცხადა გედენიძემ.
პოლიციამ მომხდარზე გამოძიება სისხლის სამართლის კოდექსის 240-ე მუხლით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.
