საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური(ფოსტა)–კობის მონაკვეთზე ზვავსაშიშროების მაღალი საფრთხის გამო აკრძალულია ყველა სახის ავტოტრანსპორტის მოძრაობა.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 სოზარ სუბარი პოლიციელების ხელფასების 20%-ით გაზრდას ითხოვს
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
- 6 „ქართულმა ოცნებამ“, 224 ხმით, საქართველოს პრეზიდენტად მიხეილ ყაველაშვილი აირჩია
დიდთოვლობის გამო ავტოტრანსპორტის მოძრაობა აიკრძალა ბორჯომი-ბაკურიანი-ახალქალაქის საავტომობილო გზის 31-ე კილომეტრიდან 63-ე კილომეტრის ჩათვლით, ანდეზიტი-ღადოლარის მონაკვეთზე.
თოვისა და ზვავსაშიშროების გამო ჟინვალი-ბარისახო-შატილის საავტომობილო გზის ხახმატი-შატილის მონაკვეთზე აკრძალულია ყველა სახის ავტოტრანსპორტის მოძრაობა. კორშიდან ხახმატამდე დასაშვებია მხოლოდ მაღალი გამავლობის (ორი და მეტი წამყვანი ხიდის მქონე) ავტოტრანსპორტის მოძრაობა.
დიდთოვლობის გამო ავტოტრანსპორტის მოძრაობა აკრძალულია ჩოხატაური-ბახმაროს საავტომობილო გზის ჩხაკაურა-ბახმაროს და უშგული-ლასდილის მონაკვეთებზე.
გარემოს ეროვნული სააგენტოს ინფორმაციით, 20 ნოემბრიდან 22 ნოემბრამდე საქართველოში მოსალოდნელია წვიმა, მაღალმთიან რეგიონებში თოვლი, ზოგან ძლიერი, ქარბუქი, შესაძლებელია თოვლის ზვავები, დასავლეთის მიმართულების ძლიერი ქარი, ზღვაზე 4-5 ბალიანი შტორმი.
სააგენტო მოსახლეობას აფრთხილებს, რომ მოსალოდნელმა ნალექებმა საქართველოს მდინარეებზე შესაძლებელია წყლის დონეების მნიშვნელოვანი მატება, ხოლო გორაკ-ბორცვიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს.
მთიან და მაღალმთიან რეგიონებში მოსალოდნელი დიდთოვლობის, ზვავსაშიშრიების, ქარბუქისა და ხილვადობის გაუარესების გამო, საავტომობილო გზების ცალკეულ მონაკვეთებზე შესაძლებელია შეიზღუდოს ტრანსპორტის მოძრაობა.
