აფხაზეთის დე ფაქტო რესპუბლიკის პრეზიდენტმა, ბადრა გუნბამ და რუსეთის პრეზიდენტის ადმინისტრაციის უფროსის პირველმა მოადგილემ, სერგეი კირიენკომ სოხუმსა და სოჭს შორის რეგულარული საზღვაო მიმოსვლის დაწყებაზე იმსჯელეს.
ახალი ამბები
მკითხველის რჩეული
- 1 „რეპრესიები რეორგანიზაციის სახელით“ - თელავის უნივერსიტეტიდან 5 პროფესორი გაათავისუფლეს
- 2 თავდაცვის ყოფილი მინისტრის მოადგილე და ნათესავი დააკავეს 1.3 მლნ-ის გაფლანგვის ბრალდებით
- 3 თეა წულუკიანი ნანუკა ჟორჟოლიანს ცილისწამებისთვის სასამართლოში უჩივის
- 4 ნათესავებმა თბილისში იპოვეს ჩეჩნეთიდან ოჯახში ძალადობას გამოქცეული ქალი და მისი წაყვანა სცადეს
- 5 სტრასბურგის სასამართლომ გამოაქვეყნა კითხვები მზია ამაღლობელის საქმეზე
- 6 ახობაძის ადვოკატი: ექსპერტმა დაადასტურა, რომ ნარკოტიკის შესაფუთ მასალაზე გადატანილი იყო ნერწყვი
აღნიშნული ინიციატივა განიხილება, როგორც „ტრანსპორტის ინტეგრაციისა და აფხაზეთის ტურისტული პოტენციალის განვითარების უფრო ფართო სტრატეგიის ნაწილი“.
„შედგა გასვლითი შეხვედრა ბადრა გუნბას, სერგეი კირიენკოს და „როსმორპორტის“ აზოვი-შავი ზღვის ფილიალის დირექტორის, ანა ფომენკოს მონაწილეობით. განხილვის მთავარი თემა იყო სოხუმსა და სოჭს შორის რეგულარული საზღვაო მარშრუტის შექმნა. მხარეებმა განიხილეს აფხაზეთის დედაქალაქსა და რუსულ კურორტს შორის სტაბილური და ხელმისაწვდომი სატრანსპორტო კავშირის ორგანიზების ვარიანტები“, - ნათქვამია დე ფაქტო პრეზიდენტის პრეს-სამსახურის განცხადებაში.
კირიენკო, რომელიც კრემლში აფხაზეთის საკითხს კურირებს, წელს სოხუმში მეოთხედ ჩავიდა. მან საქართველოს ოკუპირებული რეგიონის ე.წ. ხელისუფლებასთან ენერგეტიკისა და განათლების სფეროებში თანამშრომლობის, სოხუმის სანაპიროს რეკონსტრუქციის და აფხაზეთში მუდმივად მცხოვრებ რუს პენსიონერებზე საბანკო ბარათების გაცემის საკითხებიც განიხილა.
სერგეი კირიენკოს ვიზიტის დროს სოხუმში რუსული ბანკის, „პრომსვიაზბანკის“ წარმომადგენლობა გაიხსნა. ბანკის თავმჯდომარის მოადგილე მიხაილ დოროფეევმა განაცხადა, რომ დაახლოებით სამი თვის წინ, რუსეთის პრეზიდენტის, ვლადიმერ პუტინის დავალებით, „პრომსვიაზბანკმა“ აფხაზეთის 10 დასახლებულ პუნქტში რუსეთის მოქალაქე პენსიონერებზე საბანკო ბარათების გაცემა დაიწყო. დღეისთვის საბანკო ბარათი 20 000-ზე მეტ პენსიონერს აქვს მიღებული.
სერგეი კირიენკომ აღნიშნა, რომ პუტინის ბრძანება პრაქტიკულად შესრულებულია, თუმცა, საჭიროა, საბანკო ბარათი ყველა რუსეთის მოქალქე პენსიონერმა მიიღოს. საერთო ჯამში, აფხაზეთში რუსულ პენსიას დაახლოებით 24 000 ადამიანი იღებს.
