„ქარული ოცნების“ პარლამენტმა, დღევანდელ პლენარულ სხდომაზე, პარტია „გახარია საქართველოსთვის“ პარტიული სიის 12 წევრის სადეპუტატო უფლებამოსილება ცნო.
ახალი ამბები
მკითხველის რჩეული
- 1 სტრასბურგის სასამართლომ გელა მთივლიშვილის საქმის არსებითი განხილვა დაიწყო
- 2 სუს-მა ძებნა გამოაცხადა ლილუაშვილის ნათესავსა და ვანში „ოცნების“ დეპუტატზე, ბიჭიკო პაიკიძეზე
- 3 გაგლოევმა „ძალოვნებს“ დაავალა 4 ოქტომბრის არჩევნების წინ ე.წ. საზღვარზე სიტუაცია გააკონტროლონ
- 4 გლდანის ციხის ყოფილი დირექტორი დავით გოგობერიშვილი გარდაცვლილი იპოვეს
- 5 ხაზარაძე და გახარია: ჩვენს პარტიებს შორის ურთიერთთანამშრომლობის მემორანდუმი შედგა
- 6 კობახიძე: სასურველი არ არის, მოსწავლემ პირველივე კურსიდან უცხოეთში განაგრძოს სწავლა
12 გამოკლებული წევრის ადგილმონაცვლეები არიან:
- გელა აბულაძე
- ჯემალ ანანიძე
- ქეთევან ბაკარაძე
- რუსუდან თევზაძე
- მალხაზ თორია
- შალვა კერესელიძე
- სალომე კობალაძე
- გიგა ფარულავა
- ვიკა ფილფანი
- გიორგი შარაშიძე
- თამარ ხვედელიანი
- სოფიო ხორგუანი
მანამდე, „ქართული ოცნების“ პარლამენტმა ექსპრემიერ გიორგი გახარიას პარტიის 12 წევრს, საგაზაფხულო სესიის 26-ვე სხდომის არასაპატიო მიზეზით გაცდენის გამო, სადეპუტატო უფლებამოსილება ვადამდე შეუწყდა.
გიორგი გახარამ პირველ სექტემბერს, ტელეკომპანია „პირველთან“ ინტერვიუში თქვა, რომ საპარლამენტო არჩევნების შემდეგ დეპუტატის მანდატებზე უარის თქმა შეცდომად მიაჩნია. მისივე განცხადებით, შევა თუ არა 12 ადგილმონაცვლე დეპუტატი პარლამენტში, თვითმმართველობის არჩევნების შემდეგ გაირკვევა.
„გადაწყვეტილება, თუ რაიმე შეიცვალა პოლიტიკურ ბოიკოტთან დაკავშირებით, ამ 12 მანდატთან დაკავშირებით, ამაზე იმსჯელებს პოლიტსაბჭო, დიდი ალბათობით, მუნიციპალური არჩევნების შემდეგ. რა თქმა უნდა, მე არაფერს გამოვრიცხავ“, - თქვა გახარიამ.
2024 წლის საპარლამენტო არჩევნების შემდეგ გიორგი გახარიას პარტიას, სხვა ბარიერგადალახული ოპოზიციური გაერთიანებებისგან განსხვავებით, საარჩევნო სიის გაუქმების მოთხოვნით ცენტრალური საარჩევნო კომისიისთვის არ მიუმართავს, თუმცა, ისიც არალეგიტიმურად აცხადებდა არჩევნების შედეგებს და საპარლამენტო საქმიანობაში არ მონაწილეობდა.
ცესკომ ბარიერგადალახული სამი პოლიტიკური გაერთიანების – „ლელო - ძლიერი საქართველო“, „კოალიცია ცვლილებისთვის“ და „ერთიანობა - ნაციონალური მოძრაობა“ – სიები მათივე მოთხოვნით გააუქმა. მათი აღდგენა და პარლამენტის მიერ სიის წევრების სადეპუტატო მანდატების ცნობა შეუძლებელია.
