საქართველოს პრეზიდენტი სალომე ზურაბიშვილი პარიზში საფრანგეთის პრეზიდენტ ემანუელ მაკრონსა და ამერიკის შეერთებული შტატების არჩეულ პრეზიდენტ დონალდ ტრამპს შეხვდა.
ახალი ამბები
მკითხველის რჩეული
- 1 რა მოხდა თელავის სასტუმროში, სადაც რუსეთის მოქალაქის ცემის ბრალდებით მამაკაცი დააკავეს
- 2 საპატრულო პოლიციამ შშმ პირს მანქანაში ჩააფსმევინა, შსს-ს 10 ათასის გადახდა დაეკისრა
- 3 გაუპატიურება, წამება და დაკარგული ჩვილი - ნატა ვიბლიანის საქმეზე გამოძიება დაიწყო
- 4 283 ქოთანი და 7 კგ გამომშრალი მარიხუანა - დიზაინერ რატი რატიანს 15 წელი მიუსაჯეს
- 5 დამოუკიდებელი მედიების რედაქტორები ელისო კილაძის საქმის განხილვის საჯაროობას ითხოვენ
- 6 სოხუმი მასშტაბური ენერგოკოლაფსის მიზეზად ენგურჰესზე მომხდარ ავარიას ასახელებს
„სიღრმისეული დისკუსია მქონდა პრეზიდენტებთან ტრამპთან და მაკრონთან. ვამხილე მოპარული არჩევნები და უკიდურესად საგანგაშო რეპრესიები ქართველი ხალხის წინააღმდეგ. ხაზი გავუსვი ძლიერი აშშ-ის საჭიროებას. ქართველ ხალხს დონალდ ტრამპის სახით მეგობარი ჰყავს. ღმერთმა დალოცოს ამერიკის შეერთებული შტატები“, - წერს ზურაბიშვილი პლატფორმა X-ზე.
საქართველოს პრეზიდენტი მსოფლიოს ლიდერებთან ერთად, პარიზში, ნოტრ-დამის გახსნის ცერემონიას დაესწრო. სალომე ზურაბიშვილმა შეხვედრა უკრაინის პრეზიდენტ ვოლოდიმირ ზელენსკისთანაც გამართა.
30 ნოემბერს, აშშ-მა საქართველოსთან სტრატეგიული პარტნიორობის შეჩერების შესახებ განაცხადა და განმარტა, რომ „ქართული ოცნების“ სხვადასხვა ანტიდემოკრატიულმა ქმედებამ სტრატეგიული პარტნიორობის ძირითადი პრინციპები დაარღვია. არალეგიტიმურმა პრემიერ-მინისტრმა, ირაკლი კობახიძემ ეს გადაწყვეტილება შეაფასა „დროებითი მოვლენად“, რომელსაც „ვერ ექნება ვერავითარი პრინციპული მნიშვნელობა“. კობახიძე იმედოვნებს, რომ 20 იანვრიდან, ტრამპის ინაუგურაციის შემდეგ, შეერთებული შტატების მხრიდან საქართველოსადმი დამოკიდებულება „უფრო მეტად სამართლიანი იქნება“.
