33 წლის ქართველი მებრძოლი მერაბ დვალიშვილი შერეული საბრძოლო ხელოვნების (MMA) მთავარი ორგანიზაციის, აბსოლუტური საბრძოლო ჩემპიონატის (UFC) ქამრის მფლობელი გახდა, სუპერმსუბუქი წონით კატეგორიაში.
ახალი ამბები
მკითხველის რჩეული
- 1 გორში პოლიციელების მიერ ნაცემი პირი წინააღმდეგობის გაწევის ბრალდებით დააკავეს
- 2 გიგა ავალიანის საქმე: დემეტრე ჩიქოვანს 9 წელი და 9 თვე, ანი ნასყიდაშვილს 5 წელი და 3 თვე მიესაჯა
- 3 პროკურატურამ გორში ნაცემი პაპუნა ლოცულაშვილისთვის ბრალის წარდგენაზე უარი თქვა
- 4 6 პოლიციელი დააკავეს გორში მოქალაქეებზე ძალადობის ბრალდებით
- 5 „ყველა სცემდა, ვინც მოვიდა“ - გორში პოლიციელებმა მოქალაქეები სასტიკად სცემეს
- 6 „პოლიციელს ქვით დაუზიანა ჯანმრთელობა“ – შს მინისტრის მოადგილე გორში ძალადობაზე
დვალიშვილმა ლას ვეგასში გამართულ ორთაბრძოლაში მოქმედი ჩემპიონი შონ ო'მალი დაამარცხა. ბრძოლის თითქმის ყველა რაუნდი დვალიშვილის უპირატესობით მიმდინარეობდა.
„აქამდე ნაბიჯ-ნაბიჯ მოვედი. მე ვიბრძოლე ო'მალისთნ მეგობრებო, შეგიძლიათ წარმოიდგინოთ, რა გავუკეთე მას. რა თქმა უნდა, პატივს ვცემ იმას, რასაც ჩვენ ვაკეთებთ, ჩვენ ვიბრძვით და დღეს მე ვარ UFC-ის საუკეთესო მებრძოლი. მე მოვიგე ქამარი, 12 წელი ვმუშაობდი ამისთვის.
ჩვენ ყველას გვაქვს მიზანი და მე მაქვს შესაძლებლობა, რომ UFC-ში ვიბრძოლო. მე ჩვეულებრივი ადამიანი ვარ და რა თქმა უნდა, პატივს ვცემ ლეგენდებს. დანა უაითმა მიპოვა მე, დამინახა როგორც მებრძოლი და მომიყვანა აქ, შემომხედეთ ახლა UFC-ის ჩემპიონი ვარ და ჩემ ოცნებებს ვასრულებ და შთავაგონებ უამრავ ადამიანს ჩვენ ქვეყანაში და მთელ მსოფლიოში.
მიყვარხართ ყველანი. ღმერთი დიდია, მეგობრებო მიჰყევით თქვენ ოცნებებს, ყველაფერი შესაძლებელია, შემომხედეთ მე ახლა“, - განაცხადა მერაბ დვალიშვილმა გამარჯვების შემდეგ.
მისთვის ეს UFC-ში ზედიზედ მე-11 გამარჯვება იყო, ბოლოს ის 2018 წელს დამარცხდა.
ილია თოფურიას შემდეგ მერაბ დვალიშვილი UFC-ის უკვე მეორე ქართველი ჩემპიონია.
