საქართველოს შეუძლია დაიკავოს თავისი ადგილი „სამი პლუს სამი“ ფორმატში. ამის შესახებ რუსეთის საგარეო საქმეთა მინისტრმა, სერგეი ლავროვმა რუსული დიპლომატიის 2024 წლის საქმიანობის შეჯამებისას განაცხადა.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 გერმანიამ საქართველოში მომიტინგეებზე ძალადობაზე პასუხისმგებელ 9 პირს ქვეყანაში შესვლა აუკრძალა
„ჩვენ აქტიურად ვუჭერდით მხარს პრეზიდენტ ალიევის ინიციატივას, რომელსაც პრეზიდენტმა ერდოღანმაც დაუჭირა მხარი, „სამს პლუს სამი“ მექანიზმის შექმნის შესახებ - სამხრეთ კავკასიის სამი ქვეყანისა და მათი სამი მეზობლის მონაწილეობით: აზერბაიჯანი, სომხეთი, საქართველო - რუსეთი, თურქეთი, ირანი.
პირველი კონტაქტები უკვე შედგა. ჩვენს ქართველ მეზობლებს ჯერ არ დაუკავებიათ მათთვის განკუთვნილი ადგილი, მაგრამ ეს ადგილი მაგიდასთან, სადაც რეგიონის პრობლემების განხილვას ვაპირებთ, მათთვის ყოველთვის ხელმისაწვდომი რჩება“, - თქვა ლავროვმა.
„სამს პლუს სამი“ ფორმატში პირველი შეხვედრა მოსკოვში 2021 წლის დეკემბერში, ქვეყნების საგარეო საქმეთა მინისტრების მოადგილეების მონაწილეობით გაიმართა. მას შემდეგ შეხვედრები შედგა სტამბოლსა და თეირანში.
საქართველოს საგარეო საქმეთა სამინისტროში აცხადებდნენ, რომ რუსეთთან ერთობლივ ფორმატში მონაწილეობას არ მიიღებენ, ვიდრე ქვეყნის 20% ოკუპირებულია.
