საქართველოს ხელბურთის ფედერაციის ყოფილი პრეზიდენტი ზურაბ კაკაბაძე ფედერაციის კუთვნილი 464 496 ლარის მითვისების ბრალდებით დააკავეს. ბრალის დამტკიცების შემთხვევაში, მას 7-დან 11 წლამდე პატიმრობა ემუქრება.
ახალი ამბები
მკითხველის რჩეული
- 1 ნარკოტიკების ზედოზირებას თბილისში კიდევ 3 ახალგაზრდა ემსხვერპლა
- 2 ვლადიკავკაზში ქორწილის მონაწილეები საქართველოს დროშების გამოყენებისთვის დააპატიმრეს
- 3 ქართველი სამხედრო მფრინავი ზვიად ბექაური დაიღუპა კონგოს დემოკრატიულ რესპუბლიკაში
- 4 პანკისში მალხაზ მაჩალიკაშვილის ავტომობილი დააზიანეს
- 5 გიგა ავალიანის საქმე: დემეტრე ჩიქოვანს 9 წელი და 9 თვე, ანი ნასყიდაშვილს 5 წელი და 3 თვე მიესაჯა
- 6 „სიკვდილი ამერიკას, სიკვდილი ისრაელს“ - ფონიჭალის მეჩეთმა მოჯთაბა ხამენეის მიმართვა გააზიარა
პროკურატურის განცხადებით, 2019-2021 წლებში ზურაბ კაკაბაძეს ფედერაციის საბანკო ბარათიდან რეგულარულად გამოჰქონდა თანხა პირადი მიზნებისთვის.
„ჩატარებული გამოძიებით დადგინდა, რომ დაკავებულმა ისარგებლა თავისი სამსახურებრივი მდგომარეობით და 2019-2021 წლებში, მის მფლობელობაში არსებული, ფედერაციის კუთვნილი ბიზნესბარათების გამოყენებით, საბანკო ანგარიშებიდან, სხვადასხვა ბანკომატის მეშვეობით გამოიტანა და მართლსაწინააღმდეგოდ მიისაკუთრა ა(ა)იპ „საქართველოს ხელბურთის ეროვნული ფედერაციის“ კუთვნილი 464 496 ლარი, რამაც დიდი ოდენობით მატერიალური ზიანი გამოიწვია“, – აცხადებენ პროკურატურაში.
უწყებაში განმარტავენ, რომ მოძიება სახელმწიფო აუდიტის სამსახურის ანგარიშის საფუძველზე დაიწყო.
ზურაბ კაკაბაძე ხელბურთის ფედერაციის პრეზიდენტად ორჯერ იყო არჩეული, 2012 და 2016 წლებში. მას უფლებამოსილების მეორე ვადა 2020 წლის ბოლოს ამოეწურა, ფედერაციის წესდება კი ერთი და იმავე პიროვნების ზედიზედ ორ ვადაზე მეტით არჩევას არ ითვალისწინებს.
