გორის საკრებულოს თავმჯდომარე „ქართული ოცნებიდან“ დავით რაზმაძე გამოცემა The New York Times-თან ინტერვიუში, 2008 წლის აგვისტოში რუსების მიერ გორის დაბომბვასთან დაკავშირებით აცხადებს, რომ ისინი იქ მშვიდობისმყოფელებად შევიდნენ და „მადლობა ღმერთს, ასე მოიქცნენ“.
ახალი ამბები
მკითხველის რჩეული
- 1 თავდაცვის ყოფილი მინისტრის მოადგილე და ნათესავი დააკავეს 1.3 მლნ-ის გაფლანგვის ბრალდებით
- 2 რუსეთი ალეკო ელისაშვილს დაუსწრებლად ასამართლებს უკრაინაში ბრძოლისთვის
- 3 „ოცნების“ ყოფილი დეპუტატი ლუკა კურტანიძე ყოფილ ცოლზე ძალადობის შემდეგ დააკავეს
- 4 ოკუპირებულ აფხაზეთში საქართველოს მოქალაქე დააკავეს და რუსეთს გადასცეს
- 5 სააკაშვილი: აპირებენ ხაბეიშვილის დადანაშაულებას შეიარაღებული გადატრიალების მცდელობაში
- 6 როგორ დაგეგმეს ლევან ჯანგველაძის შეკვეთილი მკვლელობა - პროკურატურამ 5 პირს ბრალი წარუდგინა
„ისინი აქ მოვიდნენ როგორც მშვიდობისმყოფელები და მადლობა ღმერთს, რომ ასე მოიქცნენ, რადგან მიშას ხულიგნები მთელ ქალაქს ძარცვავდნენ. თუ დაიჯერებთ, მღვდლის მანქანაც კი მოიპარეს. რუსები რომ არ მოსულიყვნენ, ვინ იცის, კიდევ რამხელა ზიანს გამოიწვევდნენ“, - ამბობს გორის საკრებულოს მოქმედი თავმჯდომარე.
დავით რაზმაძემ 2008 წლის რუსეთ-საქართველოს ომთან დაკავშირებით თქვა: „ეს ყველაფერი მიშას ბრალი იყო. მან შეგნებულად მოახდინა სიტუაციის პროვოცირება. ეს მხოლოდ ერთ-ერთია მის მიერ შექმნილი მრავალი პრობლემიდან“.
სტატიის ავტორი აღნიშნავს, რომ მართლაც, გორის მერიის შენობაში 90-წუთიანი ინტერვიუს დროს, რაზმაძემ მოახერხა სააკაშვილის დადანაშაულება ყველაფერში, ეკლესიის მრევლის შემცირებიდან დაწყებული მუნიციპალური შადრევნების ხარჯების გადაჭარბებით დამთავრებული.
გორის საკრებულოს თავმჯდომარემ საქართველოს ევროინტეგრაციის საწინააღმდეგო განცხადებებიც გააკეთა:
„პირადად მე არ მინდა ევროკავშირის ნაწილი გავხდე და მათ გვითხრან, რა ვქნათ. ისევე, როგორც საბჭოთა კავშირი დაინგრა, მე მინდა ევროკავშირის დაშლა ვნახო, რადგან ის ჩვენს წინააღმდეგაა.“
ჟურნალისტი წერს, რომ გორის მერიაში ინტერვიუს დროს, რაზმაძის ფართო კაბინეტის ნაპირებში კიდევ ოთხი ან ხუთი კაცი იჯდა ჩუმად, ყველა მათგანი დაკუნთული იყო, შავებში ჩაცმული და როგორც სტატიაშია ნათქვამი, ქართველებისთვის დამახასიათებელი თავაზიანობის საწინააღმდეგოდ, არცერთმა არ წარადგინა თავი. სტატიის ავტორის თანახმად, შეხვედრის ბოლოს ერთ-ერთი მამაკაცი მივიდა და რაზმაძეს ყურში რაღაც ჩასჩურჩულა. ჟურნალისტი წერს, რომ რაზმაძემ კომენტარი ან არასწორად გაიგო, ან გადაწყვიტა, თავისი პარტიის ცვალებადი გზავნილებისთვის ახალი დაემატებინა და თქვა: „ჩვენ ყოველთვის ფრთხილობთ ევროკავშირში გაწევრიანების მიმართ, რადგან ვიცით, რომ ის სავსეა კგბ-ს აგენტებით“.
ამავდროულად, რაზმაძემ უარყო, რომ „ქართული ოცნება“ პრორუსული პარტიაა და თქვა, რომ ეს მხოლოდ მისი მტრების მიერ გავრცელებული ტყუილია.
The New York Times-მა ვრცელი სტატია სათაურით „როგორ გადავიდა საქართველო დემოკრატიის ავანგარდიდან ავტოკრატიის ფრონტის წინა ხაზზე“ 19 აგვისტოს გამოაქვეყნა.
