გერმანიის კანცლერმა, ფრიდრიხ მერცმა განაცხადა, რომ რუსეთის პრეზიდენტი ვლადიმირ პუტინი „შესაძლოა ჩვენი დროის ყველაზე სერიოზული ომის დამნაშავეა“.
ახალი ამბები
მკითხველის რჩეული
- 1 რუსეთი ალეკო ელისაშვილს დაუსწრებლად ასამართლებს უკრაინაში ბრძოლისთვის
- 2 რუსეთი კვლავ უკრაინის „დემილიტარიზაციას“ და ნეიტრალურ სტატუსს ითხოვს
- 3 როგორ დაგეგმეს ლევან ჯანგველაძის შეკვეთილი მკვლელობა - პროკურატურამ 5 პირს ბრალი წარუდგინა
- 4 „ქართულმა ოცნებამ“ 63 მუნიციპალიტეტში მერობის კანდიდატები წარადგინა
- 5 სახელმწიფო დეპარტამენტის ანგარიში: „ტიტუშკები“, თავდასხმები მედიაზე და დაუსჯელობა
- 6 მნიშვნელოვანია, საქართველოს ხელისუფლების აღიარება საქმედ იქცეს – ზახაროვა აგვისტოს ომზე
„ის ომის დამნაშავეა. ის, შესაძლოა, ჩვენი დროის ყველაზე სერიოზული ომის დამნაშავეა, რასაც ამჟამად ფართომასშტაბიანად ვხედავთ. ჩვენ უბრალოდ ნათლად უნდა გვესმოდეს, როგორ უნდა მოვიქცეთ ომის დამნაშავეებთან. აქ ლმობიერებისთვის ადგილი არ არის“, - განაცხადა მერცმა Sat.1-თან ინტერვიუში.
გერმანიის კანცლერის თქმით, არ მაქვს არანაირი საფუძველი, რომ პუტინს რომელიმე საკითხში ენდოს.
„რუსეთის პრეზიდენტი ამჟამად ვერ ხედავს ვერანაირ მიზეზს, რომ უკრაინასთან ცეცხლის შეწყვეტის ან თუნდაც სამშვიდობო შეთანხმების მიღწევისკენ ისწრაფვოდეს. ჩვენ უნდა შევქმნათ საფუძველი. სამხედრო თვალსაზრისით ეს რთული იქნება, მაგრამ ეკონომიკურად შესაძლებელია“, - ხაზგასმით აღნიშნა მერცმა.
მისი თქმით, საქმე ეხება რუსეთის ეკონომიკურად „გამოფიტვას“, მისთვის სამხედრო მანქანის მხარდაჭერის შესაძლებლობის ჩამორთმევას. კანცლერის აზრით, ეს შეიძლება გაკეთდეს, მაგალითად, იმ ქვეყნების მიმართ გადასახადების დაწესებით, რომლებიც რუსეთის ფედერაციასთან ვაჭრობას აგრძელებენ.
ჯერჯერობით უცნობია, გაიმართება თუ არა ვლადიმირ პუტინსა და უკრაინის პრეზიდენტ ვოლოდიმირ ზელენსკის შორის პირისპირ შეხვედრა. აშშ-ის ლიდერმა, დონალდ ტრამპმა სამშაბათს იმედგაცრუება გამოხატა იმის გამო, რომ პუტინი ალასკის სამიტის შემდეგ უკრაინასთან მშვიდობის დამყარებისკენ არანაირ ნაბიჯს არ დგამს.
გერმანიის კანცლერი ასეთი შეხვედრისა და ცეცხლის შეწყვეტის შესახებ შეთანხმების დასადებად შესაფერის ადგილად ჟენევას მიიჩნევს.
