„ქართული ოცნების“ პრეზიდენტმა, მიხეილ ყაველაშვილმა საკონსტიტუციო სასამართლოს მოსამართლედ დანიშნა გიორგი მოდებაძე, რომელიც 2024 წლის ნოემბრიდან დღემდე განათლების, მეცნიერებისა და ახალგაზრდობის მინისტრის პირველი მოადგილის თანამდებობას იკავებდა. მანამდე, ოთხი თვის განმავლობაში, ის თბილისის საქალაქო სასამართლოს მენეჯერი იყო, 2016-2024 წლებში - ამავე სასამართლოს სამდივნოს უფროსად, ხოლო 2010-2016 წლებში პირველი და მეორე კატეგორიის უფროს სპეციალისტად მუშაობდა.
ახალი ამბები
მკითხველის რჩეული
- 1 ნარკოტიკების ზედოზირებას თბილისში კიდევ 3 ახალგაზრდა ემსხვერპლა
- 2 ვლადიკავკაზში ქორწილის მონაწილეები საქართველოს დროშების გამოყენებისთვის დააპატიმრეს
- 3 ქართველი სამხედრო მფრინავი ზვიად ბექაური დაიღუპა კონგოს დემოკრატიულ რესპუბლიკაში
- 4 პანკისში მალხაზ მაჩალიკაშვილის ავტომობილი დააზიანეს
- 5 გიგა ავალიანის საქმე: დემეტრე ჩიქოვანს 9 წელი და 9 თვე, ანი ნასყიდაშვილს 5 წელი და 3 თვე მიესაჯა
- 6 „სიკვდილი ამერიკას, სიკვდილი ისრაელს“ - ფონიჭალის მეჩეთმა მოჯთაბა ხამენეის მიმართვა გააზიარა
37 წლის გიორგი მოდებაძე საქართველოს ტექნიკური უნივერსიტეტის სამართლის მაგისტრია. 2010 წელს ჩაბარებული აქვს მოსამართლის თანაშემწის გამოცდა.
„გიორგი მოდებაძეს სასამართლო სისტემაში მუშაობის მრავალწლიანი გამოცდილება აქვს, ის ასევე იკავებდა საქართველოს განათლების, მეცნიერებისა და ახალგაზრდობის მინისტრის პირველი მოადგილის თანამდებობას“, – ვკითხულობთ ყაველაშვილის ადმინისტრაციის მიერ გავრცელებულ განცხადებაში.
ოპოზიციური პარტიების აკრძალვის შესახებ „ქართული ოცნების“ საკონსტიტუციო სარჩელის წარდგენის წინ, საკონსტიტუციო სასამართლო ერთ-ერთმა მოსამართლემ, ირინე იმერლიშვილმა დატოვა. ის პრეზიდენტის მიერ იყო დანიშნული და უფლებამოსილების ათწლიანი ვადა ერთ წელში, 2026 წლის სექტემბერში ეწურებოდა.
საკონსტიტუციო სასამართლო 10 წლის ვადით განწესებული 9 მოსამართლისაგან შედგება. მათგან 3-ს საქართველოს პრეზიდენტი ნიშნავს, 3 მოსამართლეს სრული შემადგენლობის არანაკლებ სამი მეხუთედის უმრავლესობით ირჩევს პარლამენტი, ხოლო 3 მოსამართლეს ნიშნავს უზენაესი სასამართლო.
